Interi ngec, me 3 pikë në derbi shpallet kampion
Dështon rekordi i pikëve, por kundër Milanit do fitore
Kaljari tremb zikaltrit, barazim 2-2 në “San Siro”
Barazimi me Kaljarin prish disi festën dhe llogaritë e Interit. Megjithatë ëndrra kryesore nuk është shkatërruar: Fitorja e titullit në derbi është ende e mundur, por zikaltrit nuk e shfrytëzuan dot ndalesën e Milanit ndaj Sasuolos për të shkuar ditën e hënë me 2 rezultate për të mbyllur zyrtarisht llogaritë. Tani duhet patjetër fitore ndaj ekipit të Piolit. Këtij barazimi iu kënaq më shumë skuadra e Kaljarit që dy herë u tregua vendimtare duke mos lejuar Interin që të merrte 3 pikët. Klaudio Ranieri me lëvizjet e tij në sulm arriti që të merrte 1 pikë të çmuar në garën për të mbijetuar në Serinë A. Golat e Turam dhe Çalhanoglu me penallti u zhvlerësuan nga Shomurodov dhe Viola në fund. Tani është e sigurt që nuk e thyen dot rekordin e pikëve të Juventusit (102).
TURAM SI LAUTAROINTERI kishte dëshirë për ta shndërruar në festë dhe për të vazhduar ecurinë pozitive dhe dominoi në qarkullimin e topit dhe të rasteve në pjesën e parë. Shumë të tilla nuk u finalizuan siç duhet, ndërsa Markus Turam tregohet i saktë pas një pasimi fantastik nga Sançez që shkoi në fundore dhe e ktheu në qendër. Francezi u tregua i saktë për të shpërthyer “San Siron” në festë. Vetë festoi si Lautaro Martinez, i cili ishte në tribunë për shkak të pezullimit.
FUND I ZJARRTË- Goli i Turam qëndroi në fuqi deri në minutën e 65-të, por Kaljari ishte prezantuar shpesh në anët e Zomerit duke tentuar disa herë. Shomurodov bëri provën gjenerale me një
goditje që shkoi jashtë, por një minutë më vonë e djathta e tij kap në befasi portierin duke barazuar rezultatin. Festa e sardëve zgjati shumë pak, sepse pas afro 10 minutash Fratezi fiton 11-metërsh pasi topi i goditur prej tij u ndal me dorë nga Mina. Çalhanoglu është i saktë duke thyer port
ierin Skufet. Kur të gjithë menduan se Interi po shkonte i qetë drejt fitores, 2 zëvendësimet në sulm me Lapadulën dhe Violën ringjallën Kaljarin. Asisti i të parit dhe gol i Violës i ngrinë buzëqeshjen stadiumit. Por nuk përfundoi këtu sepse Viola rrezikoi që të shënonte edhe golin
e tretë për ta mundur Interin. Një goditje dhe një tentativë me kokë në sekondat e fundit. Zikaltrit provuan për një finale të çmendur si ndaj Udinezes, por këtë herë u mjaftuan vetëm me një pikë. Në derbi duhet patjetër fitore nëse kërkojnë titullin kampion në duelin kundër Milanit.