NOTAT BARÇA
TER SHTEGEN 6.5 – Portieri prish serinë prej gjashtë ndeshjesh pa pësuar. Vinicius e mposht atë me një penallti. Ter Shtegen gjen krahun, por mbërrin pak vonë. I sigurt dhe i zgjidhur në pjesën tjetër të qasjeve.
KUNDE 6.5 – Ksavi e vendos francezin në anën e djathtë për të ndaluar Vinicius dhe ndryshon qasjen e tij të zakonshme për të zhvendosur Arauhon në atë pozicion. I vëmendshëm, i sigurt dhe i shpejtë për të ndalur lëvizjet e brazilianit.
ARAUHO 6 – Protagonist i javës për shkak të përjashtimit ndaj PSG-SË dhe shkëmbimit të polemikave me Gyndoan. Është shfaqur i sigurt, si gjithmonë në mbrojtjen e Barcelonës me autoritet dhe rregull.
KUBARSI 6 – Qendërmbrojtësi 17vjeçar ka luajtur “El Cásico”-n e tij të parë. Trajneri e di që as ambienti, as ambienti dhe as lojtarët rivalë nuk ndikojnë tek ai. Shkakton një penallti që sjell golin e barazimit të Realit.
KANSELO 5 – Mbrojtësi i djathtë portugez, i kthyer në mbrojtës të majtë, kalon një tjetër mbrëmje jo fort bindëse. Lukas Vaskez e turpëron në rastin e penalltisë. Vuan shumë, i mungon intensiteti.
KRISTENSEN 7 – Danezi i shkëlqyer me paraqitjen e tij për sa kohë ishte në fushë. I jep epërsinë Barçës, komandon në mesfushë. Sakrifikohet nga Ksavi pas dëmtimit të De Jong. Nga 46’ FERMIN LOPEZ 7 – Impakt i menjëhershëm, duke shënuar golin e 1-2.
DE JONG 6.5 – Nuk e përfundon pjesën e parë: dëmtoi kyçin e djathtë, i njëjti që e mbajti jashtë për pesë javë, pas një ndërhyrje të Valverdes. Deri atëherë, ishte timoni dhe mushkëritë e Barcelonës.
Nga 45’+7 PEDRI 6.5 – Mesfushori i jep më shumë rrezikshmëri lojës së Barcelonës.
GYNDOAN 6 – Në “Bernabeu” konfirmon karakterin e tij të vetëdijshëm dhe flegmatik dhe mentalitetin e tij të ftohtë. Ai shfaqet në të gjithë fushën, duke i dhënë drejtim dhe pauzë lojës së Barçës. Në pjesën e dytë, tashmë pa të dëmtuarin de Jong, u tërhoq.
JAMAL 7 - Fiton çdo duel ndaj Kamavingës, duke e detyruar Ançelotin ta zëvendësojë francezin. Ofron vertikalitet, shkathtësi dhe rrezikshmëri. Shënon një gol fantazmë, që VAR nuk e sinjalizon.
LEVANDOVSKI 6 – Polaku është dukur shumë larg manovrës sulmuese të Barcelonës. Një hije në takimin e djeshëm. Nuk ishte e lehtë për të me një Rydiger si përbindësh përballë. Nga 64’ FERRAN TORRES 6 – I jep impuls lojës dhe i afrohet golit.
RAFINJA 6 – Sulmuesi brazilian nuk është aq protagonist si në ndeshjet e mëparshme: në dy ndeshjet kundër PSG-SË ai shënoi tre gola. Nga 64’ ZHOAO FELIKS 6 – Pritej më shumë për portugezin në 30 minutat e fundit.
KSAVI HERNANDEZ 6.5 – Merita e madhe i shkon sepse tentoi në çdo minutë për ta fituar takimin për ta mbajtur të gjallë titullin në La Liga. Në fund nuk ia doli, por të paktën tentoi.