NGIBANE OKUZOLA KWE
Ngibane Munza wa kuzola kwe Ungibangesa kudikola Kwendela jinga jinjozi Jingitakula mu jingoji Ja jihata je joso jizola Kungidituna, exi ngwe! Sumbala ngwe kungizola Ngilundila ku muxima Ukatelu wenyo ujimba Kingongo kya kuximba Kwila ujiza ungilombola! Ngibane Kakitembu kikongolola Ima yami yoso yabudika Itetu iyi yala kungizola Mba ilembwa kulongola Kihanji kyami kixinjika Kizembu kyenu kingizongola! Ngibane Kilembu kina kikudisa Jihenda jami jakumona Kudyelela kwami kwoso Jimwemwe jami joso Jingibangesa kubokona Mu muxima we ungidisa! Ngibane Uzolelu wenyo utemesa Okutalala kwami kwabande Ungilembwesa kukuxikana Kyoso ki ukala kungiximana Mukonda wixi ngambande Muxima we kungizolesa! Ngibane Kulenduka kwa kuzola kwe Kwalanduka mukungibana Utalelu we wenyo ungijiba Sumbala wandala kudixiba Ni jisonji ja kungisununa Okuzola kwa kutalela kwe! Ngibane Yoso mwene ingandala Mbata nzala iyi ingala Ijibisa, anga ilambesa Anga hanji ikambesa Mukutu woso kulayela Kala Nzambi wandala Ngibane Kulenduka kwavulu, kwe Sumbala wixi kuma ngwe Ngiwutambula ni muxima Yoso mwene ingikumbama Yoso mwene ingifukama Mukonda eye wakijiya we Kyayiba kudituna kuzola kwe Ngibane – Dá-me Ungunzu wenyo wa kuzola Ingilembwesa hanji kubola Jihanji jami joso exi jididila Mukwijiya kuma ngixingila Kyoso ki ukala kungidituna Kutalela kwe kwabuminina!