MUSOSO WA KAKALUNGA OKUBUSA KWA MULENGE

Jornal Cultura - - BARRA DO KWANZA -

1.- Omwin­ji wa mulenge, kam­ba dya muthu una ulen­du­ka omu­ku­tu wa­di­za­le­la mu di­xi­sa dya lum­bu lwa di­ba­ta, wi­za kamwanyu kwa­la kuswi­ni­sa wo­so wan­da­la ku­ka­la ne ku mban­ji ye. 2.- Mu ka­xi ka ma­baya ma ti­na ma­ka­la mu­ku­kon­do­lo­ka odi­ba­ta dyenye­di, omwin­ji wenyo pe, se­ku­bin­ga ki­xi­ka­nu, mwe­ne ubo­ko­na an­ga uba­na kwi­jiya muthu umu­kin­gi­la omu­kon­da dya kwen­de­la kwe kwa di­kan­ga. 3.- Mu­ku­kon­do­lo­ka oki­di­di ku mban­ji ya di­xi­sa, oki­tem­bu ni ku­bi­lu­ju­ka kwe an­ga uka­la mu­ku­ba­na kwi­jiya oku­ka­le­la kwe kwenyo­ko, uban­ge­sa oso amu­kin­gi­la ku­ka­la mukwi­vi­la we han­ji okwon­go­la kwa ukam­ba we wenyo. 4.- Mu ka­xi ka i iki­lu, oku­di­xi­ba kwa utan­ge­lu ulun­ga okifwa kye mu i iki­lu ya­to­ka­la mu di­tokwa dya­jin­gu­mu­na kwi­la ki­tem­bu kyenye­ki iba­lu­mu­na, an­ga mu­ku­kam­ba ku­lan­de­ka mu ki­di­di ki kye, iyi ki­lom­bo­lo­lu kya ki­ma kyawa­ba. 5.- O isa­sa pe - ya­dikwa­ta ku mu­ku­tu wa mu­xi ule­be­sa bu­lu, ka­la wa­mu­sam­be­la Nzam­bi, o ji­tan­gu je ja­ku­ku­ta kya ni ute­me­nu wa mwanya – uka­la mukwi­vi­la mu di­kun­da dye dya­te­me kya oku­ta­la­la kwa ki­tem­bu kyenye­ki ki­ko­la kwi­la, ni ku­bu­sa kwe mu kifwa kya­len­du­ka, uwa­be­sa omwenyu wa muthu ki wadye­le­la ku­ka­la ku­mu­kin­gi­la din­gi. 6.- Mu­ku­len­du­ka kwe – kyo­so ki mulenge wenyo uka­la mu­ku­tan­ge­la omu­kan­da umu­xa­na – mulenge wenyo an­ga uya bo­so bo­so sekwi­jiya kwe­bi, udyen­de­sa ku po­lo; utu­ki­la ipa­ka; ubo­ko­na kwe­bi mwe­ne ngo ute­na ku­ban­ga kyenye­ki, mu­ku­len­ge­sa omun­za wa mwanya mwenyo uka­te­sa oki­di­di kwe­bi mwe­ne o mwanya udiswa­ma. 7.- Muthu wa­kam­be kuswi­na mu ki­tan­ga­na kya ku­ze­ka, ye­ne oki­tem­bu kyenye­ki ni ku­len­du­ka kwe wi­za kuwon­go­la wo­so uka­la mukwi­vi­la ku­ma ki­tan­ga­na kya ku­ze­ka kya­tu­lu mwe­ne kya mu kindala kyenye­ki. 8.- Kyo­so ki­tem­bu ukam­ba ayi­xa­na mu­ku­mo­ne­ka ku po­lo ya athu mu kifwa kya ki­le­ke­lu kyokwa­te kya ni ma­ku, uke­xi­lu wenyo an­ga uwa­be­sa wen­de­lu wa muthu wa­mukwen­da mu mwanya wa­vu­lu ku­te­ma umu­tun­di­sa menya mu mu­kuthu, kyenye­ki an­ga uka­tu­la mu ji­be­la okya­ku kye kya­ze­le kwa­la ku­ma­kon­do­na. 9.- Sum­ba­la kyenye­ki pe, ilen­ge­sa an­ga i iki­di­la we han­ji wo­so umwi­vi­la ku­tu­la yo­xin­ji­ke kwa­la jin­jin­da ja ka­lun­ga ka menya ka­fu­lu­ka kya, ni mwin­ji we ube­ke­sa wo­ma ufomwe­na, mu ma­ba­ta ma san­za­la, odi­zam­ba dya ma­ba­ta dyo­ban­ge mu kifwa kya mbu­lu; o mu­xi wo­sa­bu­ke mu ule­be­lu wa nji­la kwi­la ube­ta­ma kifwa mu­bi­ka mu ubi­ti­lu wa ki­tem­bu kyenye­ki kya­ka­lun­ga. 10.- Ngi­zo­la – wa­ke­xi­le mukwam­be­la ngi­bi­di mu­zo­di wa mbu­tu – ku­mo­na mwin­ji uka­la mu­ku­bu­mi­sa mu­kuthu wa­di­ba­le bo­xi; mwin­ji umu­ba­lu­mu­ki­sa an­ga umwen­de­sa nji­la ya ku­ka­la­ka­la kwe umubwi­di­sa; wi­ma­ne­sa okudye­le­la kwa muthu wenyo wo­vun­ge ni udi­di­lu we an­ga ukon­don­do­na we han­ji, ni ngu­zu kwi­la mwin­ji wenyo usam­bu­ka, oho­ta wa di­su dye di­san­zu­mu­na odi­so­xi dye dya­su­ku, di­so­xi di­na di­kem­be­sa o po­lo ye mu ki­difwa kwi­la mu­te­ki umo­xi, mu­te­ki una wa­be­ta mu­ku­bu­la­ka­na, ukwa­ta an­ga uta mu di­xi­sa odyo dya ku­te­ke­la, di­xi­sa dya­bu­bu kwi­la, kwenyo­ko ki­di mwe­ne, di­di­za­le­sa ni mu­xi­ma una wa­kam­be uka­la mu­kem­be­sa oki­pa­ka kya athu ato­ka­la ku un­ga­na, un­ga­na wenyo an­ga uka­la ku­di­xi­la. 11.- Oki­tem­bu kyenye­ki pe, mu uka­la­ka­lu wa ku­ka­la mukwam­ba­ta odi­tokwa di­kan­ga di­na, ika­te­sa wo­so wibwi­ma mo­xi ya ki­bu­bi­di­lu kya muthu wan­da­la ku­ki­kon­do­lo­ka! 12.- Mu ku­di­nu­ma okuwa­ba ni wa­ku mwe­ne oki­tem­bu okyo uya an­ga wi­za din­gi, an­ga amu­xi­ma­na mu­ku­ba­na omun­za wa ku­len­du­ka kwe; an­ga amuzwe­la kyayi­ba kyo­so ki­ka­la mu­ku­di­sa, ni kuswi­na kwe kwo­so, o winyi womwi­ke kya kwi­la uban­ge­sa mu­xi­tu ku­ka­la ki­di­di kya­ka­lun­ga.

Newspapers in Portuguese

Newspapers from Angola

© PressReader. All rights reserved.