Mwimbu wa Sabalu
Poema de Mário Pinto de Andrade
Monetu wa kasule
Amutumisa ku S. Tomé
Kexirie ni madukumentu
Aiwe!
Monetu wadidile
Mama wasalukile
Aiwe!
Amutumisa ku S. Tomé
Monetu wayi kya
Wayi mu pura ya
Aiwe!
Amutumisa ku S. Tomé
Monetu amubutu
Katena kumukuta
Aiwe!
Amutumisa ku S. Tomé
Monetu wolobanza
Oxiye onzo ye
Amutuma kukalakala
Olomutala, olomutala
— Mama, mwene wondovutuka
Ah! Ngongo yetu yondobiluka
Aiwe!
Amutumisa ku S. Tomé
Monetu kavutuke
Kalunga wamudye
Aiwe!
Amutumisa ku S. Tomé.
(Versão em kimbundo actualizada por Mário Pereira)