Der Mann mit dem Hut
Alsdann,
de Gschicht war a so, berichtete Herr Ö. dem Bezirksrichter. „ I kumm neilich in a Gasthaus, wüll mi niedersetzn, siech i, auf dem anzichn Sessl, der no frei is, liegt a Huat.
Sag i: , Wem ghört der Huat?‘ Sagt aner: , An Herrn.‘ Sag i: , Des siech i eh, dass der kaner Frau ghört. Wo is der Herr?‘
Mant aner: , Der is an Sprung furtganga. Zumindest hat er des gsagt.‘
Sag i: , Was haßt furtganga? Is er am Häusl?‘
, Naa‘, sagt drauf aner. , Der is hamganga, der holt se irgendwas.‘
Sag i: , Na, des geht natürlich net, dass se da aner an Platz mit an Huat reserviert. Da setz i mi derweil nieder.‘
Mant aner: , Auf an fremdn Huat setzt ma se net drauf.‘
Sag i: , I setz mi aa net auf mein eigenen. I häng den Huat derweil auf.‘
Mant aner: , Der Herr hat ausdrücklich gsagt, dass ma bitte den Hut liegn lassn soll.‘
Sag i: , Der kann sagn, was er wüll. Wo gibts denn des, dass se da aner an Huat herlegt, damit er an Platz hat, wann er wieder zruckkummt.‘
Lacht aner und sagt: , Da is a Vogerl drunter!‘
, Ah so?‘, sag i. , A Vogerl. Den Witz hab i scho ghört. Da erledigt aner in aner Gassn sei Gschäft, und weil a Polizist kummt, haut er gschwind sein Huat drauf. > I geh nur uman Käfig<, sagt er zu dem Polizistn. > Passn S ma derweil auf.< Drauf bleibt der Polizist bei dem Huat steh, a Stund, greift dann drunter und sagt: > Jetzt hab i eahm zdruckt.< A guater Witz, könnt vom Maxi Böhm sein, so alt is er. Aber i bin jetzt für Späße nicht aufglegt. Da habts den Huat!‘ Drauf hab i den Huat mit aner eleganten Handbewegung auf an Kleiderrechen gschupft, und wia i eahm auffeschupf, fliagt a Vogerl furt. Ja, liaber Herr Richter, mit so was kann i net rechna. Was glaubn S, was in an Wirtshaus oft für a Schmäh rennt. Wamma da alles glaubert, schauert ma liab aus.“
Der Vogelbesitzer, der um einen Käfig nach Hause gegangen war, hatte tätliche Ehrenbeleidigung zu verantworten. Er wurde trotz seiner Beteuerung („ I hab doch nur mit de Händ umadumghaut, damit i mein Vogl wieder derwisch!“) zu einer Strafe verurteilt.