Herzblatt
Des
Leben is zu kurz für traurige Gschichten, deshalb sammel i lustige Artikel und Liebesgschichtn. Weil de Liebe is a Glück. Und manchmal kumman ma aa wahre Liebesgschichtn unter. Wia de von an Naturburschn, dem Lukas, und seiner Städterin, der Hanna“, schilderte Herbert F. dem Bezirksrichter.
„ Sie stammt aus Wien, kann a Fichte net von aner Tanne unterscheidn. Und er kummt aus an klanen Dorf. Jeglicher Verkehrslärm macht ihn fertig. Er geht liaber mit Touristn durchn Wald und zeigt eahna die Schönheit der Natur. Sie arbeitet in der Nähe vom Verteilerkreis im zehnten Gemeindebezirk samt Verkehrsflut.
Unterschiedlicher könnten de beiden net lebn. Abends setzt er sich in den Garten und liest. Sie in ihre klane Wohnung und hört laut Musik. Also, auch die Interessn san ganz unterschiedlich. Trotzdem habn de zwa se gfundn. Es war an an Sunntag in der Innenstadt. Der Lukas hat se von an Wiener überredn lassn, auf a paar Tag in die Bundeshauptstadt zu kommen. Dort is er der Hanna übern Weg glaufn. Es war Liebe auf den ersten Blick. Der Lukas hat sein Aufenthalt in Wien verlängert. Untertags, wenn de Hanna arbeitn war, is er in de Lobau oder in den Wienerwald geflüchtet.
Nach a paar Monaten wolltns zsammziehen. Sie wollt aber in Wien bleibn, er wieder zruck aufs Land. Die Liebe war so stark, se wolltn unbedingt an gemeinsamen Weg findn. Jetzt wohnens im Wiener Speckgürtel. Sie hat a knappe Stund ins Büro. Er nur a paar hundert Meter in de Au. Eigentlich a Happy End. Warat dem Lukas net de Fanni übern Weg glaufn und hätt eahm net mit ihrer Naturschönheit de Augn verdreht. De Hanna is, wias dahinter kumman is, haß gangn, ihr heiß geliebtes Städterlebn hats nur für eahm aufgebn. Und was tuat er? Dann hats die beidn mal in der Au abgfangn und sie zur Rede gstellt. Dabei is es unter den Damen zu an handfestn Streit kumman. Der Grund dafür: des Herzblatt Lukas. Der Lukas hat sich wieder der Liebe zur Hanna besonnen. Jetzt hat de Hanna ihrn Lukas wieder. Aber dafür a paar Schrammen am Kopf.“
Die beiden Damen einigten sich vor Gericht. „ Herzbub“Lukas wartete draußen.