Minuten des Bangens
Brr!“, machte Herr K. vor dem Bezirksrichter. „ Wann i an mei Erlebnis denk, beidlts mi jetzt no oh wia an nassn Hund. I hab damals mit mein Auto am Land an klan Defekt ghabt, und wias der Teifl habn wüll, bin i grad unter aner Hochspannungsleitung zum Steh kumma. Na, i sitz in mein Auto und probier zu startn, auf amal machts obn am Dachl an Klescher. I schau beim Fenster ausse, siech i, a Draht von der Hochspannungsleitung is grissn und liegt jetzt mit an End auf mein Autodachl.
I hab sofort vur Angst zum Scheppern angfangt wia a Kluppnsackl, weil i hab gwusst, wann i jetzt aussteig oder sunstwia an Kontakt mit der Erdn kriag, jaugts ma zwanzgtausend Volt durchn Körper. Mit zitternden Händen hab i de Autotür aufgmacht und hab auf meine Rafn gschaut, obs gnua Luft habn, weil der Gummi war de anziche Isolation, der geringste metallische Kontakt mitn Bodn hätt mei Auto sofort in an glühertn Ofn verwandlt; und wia i so schau, nähert sich meinem Auto ein Bauer. Fuchsteiflswüld, weil i auf sein Feldweg steh, und mit an eisernen Rechn in der Hand.
, Steht scho wieder oaner auf mein Klee? Steig aus, oder i hol di ausse, Rabnbratl!‘
, Geh weg!‘, hab i gschrian. , Verständig des E- Werk! I bin elektrisch!‘
Drauf is er no fuchtiger wurdn und hat schrian: , Du Bazi, du schiacher!‘
Anscheinend hat er schlecht ghört und hat mi falsch verstanden. Gleichzei- tig hat er ma ins Auto griffn, i hab scho glaubt, mir gengan alle zwa in Flammen auf, er hat aber Gummistiefl anghabt, wodurch uns nix passiert is. Wia er aber dann mit sein eisernen Rechn auf mi gstessn hat und immer de Gefahr war, dass er mitn Rechn auf der Erd ankummt, wodurch er selber zwar durch seine Stiefeln gesichert gwesen war, aber i sofort verglüaht war wia Sternschnuppen, hab i ma denkt, jetzt is ma alles schnuppe, und bin mit an Hechter bei der Autotür ausse; dabei hab i eahm umghaut, und jetzt klagt er mi no, der Narr!“
Der Bauer zog seine Klage zurück. Die Angst des Herrn K. war unbegründet, weil die Leitung bei einem Drahtriss sofort abschaltet.