Гісторыя гандлю на тэрыторыі Беларусі: зборнік навуковых артыкулаў
/ нац. акад. навук Беларусі, ін-т гісторыі; уклад.: А.А. Скеп’ян; рэдкал.: А.А. Каваленя [і інш.] – мінск: Беларуская навука, 2016. – 503 с. ISBN 978-985-08-2073-0.
Гандаль у Беларусі мае тысячагадовую гісторыю. Гандлёва-эканамічныя адносіны, бясспрэчна, з’яўляюцца важнейшым інстытутам заснавання і развіцця народнасці, нацыі, культуры, духоўнага жыцця беларускага народа і фарміравання дзяржаўнасці. У гэтым кантэксце вывучэнне гісторыі гандлю на тэрыторыі Беларусі бачыцца як шматгранны і шматузроўневы працэс навуковых даследаванняў, у якім задзейнічаны прадстаўнікі розных гуманітарных навук: археолагі і гісторыкі, філосафы і сацыёлагі, эканамісты і юрысты, этнографы і фалькларысты, мовазнаўцы і літаратуразнаўцы.
Зборнік прысвечаны розным аспектам развіцця гандлю на тэрыторыі Бе- ларусі з ранняга часу і да сённяшняга дня. У артыкулах навукоўцаў, а таксама пашыраных варыянтах дакладаў, якія былі прадстаўлены на міжнароднай навукова-практычнай канферэнцыі з адпаведнай назвай «Гісторыя гандлю на тэрыторы Беларусі», раскрываюцца цікавыя асаблівасці гандлёва-эканамічных адносін на тэрыторыі нашай краіны ў розныя гістарычныя перыяды. Аўтары асвятляюць шматгранныя аспекты – ад прынцыпаў арганізацыі гандлю ў ВКЛ да асартыменту тавараў і стасункаў падчас тавараабменных аперацый прадстаўнікоў розных народаў ці, напрыклад, гандлёвага абслугоўвання транспартнікаў у БССР.