КНіЖНЫ АГЛЯД ....................................................
міжнароднае прызнанне: рашэннем ЮНЕСКА 500-гадовы юбілей беларускага кнігадрукавання ўключаны ў каляндар памятных дат на 2017 год.
– Як канстатуюць сродкі масавай інфармацыі, у нашай краіне і за яе межамі рэгулярна і на даволі высокім арганізацыйным узроўні праводзяцца мерапрыемствы, прысвечаныя знамянальнай даце. Якія з іх Вы вылучылі б асабліва?
– Гэта сапраўды так: тэма 500-годдзя беларускага кнігадрукавання мае шырокае грамадска-палітычнае гучанне.
У Савеце Рэспублікі Нацыянальнага сходу Рэспублікі Беларусь 3 красавіка бягучага года разглядалася пытанне «Аб нарматыўна-прававым рэгуляванні выдавецкай дзейнасці, святкаванні 500-годдзя беларускага кнігадрукавання, правядзенні мерапрыемстваў, прымеркаваных да Года навукі». і было вельмі адказна трымаць справаздачу пра здабыткі беларускага кнігадрукавання і юбілейныя мерапрыемствы. Дарэчы, вельмі цікавым атрымалася прадстаўленне друкарскага станка XVI стагоддзя, за якім кожны мог адчуць сябе першадрукаром.
Безумоўна, такая ўвага дзяржавы яскрава сведчыць пра ролю асветы ў развіцці грамадства, вызначальную ролю кнігі як важкага складніка ўмацавання беларускай дзяржаўнасці. Менавіта такія акцэнты гучалі ў Савеце Рэспублікі ў кантэксце 500-годдзя беларускага кнігадрукавання.
На працягу юбілейнага года ва ўстановах культуры і адукацыі праходзяць тэматычныя мерапрыемствы: выстаўкі, навукова-практычныя канферэнцыі, прэзентацыі, сустрэчы з пісьменнікамі і многае іншае. Акрамя таго, знамянальная для Беларусі падзея знаходзіць шырокае ўвасабленне ў канцэпцыях правядзення буйнейшых культурнаінфармацыйных мерапрыемстваў у нашай краіне. Прынамсі, у лютым у рамках ХХIV Мінскай міжнароднай кніжнай выстаўкі-кірмашу прайшоў сімпозіум літаратараў «Пісьменнік і час: 500-годдзе беларускага кнігадрукавання як частка сусветнай кніжнай гісторыі», у якім прымалі ўдзел паэты, празаікі, публіцысты і перакладчыкі з 17 краін свету. Сярод іх – знакаміты італьянскі сцэнарыст і майстар трылера Карла Лукарэлі, папулярны ў Фінляндыі дзіцячы пісьменнік Ціма Парвэла, балкарскі паэт, ганаровы прэзідэнт «Клуба пісьменнікаў Каўказа» (Расія) Саліх Гуртуеў, кітайскі пісьменнік Шы іфэн, пакістанскі літаратуразнавец, даследчык Мухамад Касім Буг’ю ды іншыя. У час сімпозіума адбылася зацікаўленая размова пра ролю літаратуры ў грамадстве, пра неабходнасць больш цеснага