У ПОЛі ЗРОКУ ЖУРНАЛіСТАў .............................. 74
Раённая газета ва ўмовах трансфармацыі беларускай медыяпрасторы
раённая газета ва ўмовах трансфармацыі беларускай медыяпрасторы
Імклівае развіццё новых тэхналогій, канкурэнцыя не толькі з боку іншых друкаваных выданняў, што распаўсюджваюцца ў межах таго ці іншага рэгіёна, але ў першую чаргу інтэрнэту, аказваюць свой уплыў на функцыянаванне сучаснага раённага друку. Рэгіянальныя перыядычныя выданні, каб адпавядаць надзённым запытам чытацкай аўдыторыі і ўмацаваць свае пазіцыі ў галіне медыяпаслуг, вымушаны адаптавацца да рыначных умоў, змяняць рэдакцыйную палітыку.
Вынікі шматлікіх сацыялагічных даследаванняў сведчаць аб тым, што менавіта мясцовая прэса па шэрагу аб’ектыўных прычын з’яўляецца найбольш уплывовым інфармацыйным рэсурсам на айчынным медыяполі [1, с. 54–61; 2, с. 14; 3, с. 88]. «Блізкасць» інфармацыі, магчымасць аператыўнага рэагавання на праблемы, актуальныя для жыхароў рэгіёна, забяспечваюць выданням гэтага тыпу аўтарытэт і прызнанне пастаянных чытачоў. Праблемна-тэматычная прастора мясцовага друку досыць шырокая, яна ўключае падзеі грамадска-палітычнага і сацыяльнага жыцця раёна, развіццё эканомікі, здаровы лад жыцця, бяспеку жыццядзейнасці, прафілактыку і барацьбу са злачынствамі... Раёнка, нібы летапісец свайго часу, фіксуе ўсе змены, што адбываюцца ў грамадстве, задавальняючы інфармацыйныя запыты свайго чытача. іншая справа – у якіх аб’ёмах і як падаецца гэта інфармацыя.
Звернемся, напрыклад, да тэматычнай дыферэнцыяцыі раённых грамадскапалітычных газет Брэсцкай вобласці. Як паказваюць вынікі кантэнт-аналізу, прыярытэтнай для гэтага тыпу выданняў з’яўляецца сацыяльная праблематыка. Большасць публікацый мясцовага друку, як правіла, датычыцца пытанняў функцыянавання сацыяльнай сферы рэгіёна (57,71 %) [4, с. 97]. «Грамадства», «Соцыум», «Людзі і лёсы», «Свет нашых захапленняў», «Сацыяльная абарона», «Востры ракурс», «Дзяржаўны клопат», «Жыллё» – такія рубрыкі ў розных варыяцыях ёсць у кожнай раённай газеце Брэстчыны. Старонкі мясцовых выданняў таксама напоўнены інфармацыяй пра святы, конкурсы, фестывалі, расказамі пра тых, хто жыве і працуе ў рэгіёне. Дзейнасць устаноў адукацыі, аховы здароўя, пытанні добраўпарадкавання і сацыяльнага забеспячэння – усё гэта становіцца аб’ектам пільнай увагі карэспандэнтаў мясцовых СМі. Каб прыцягнуць да шырокага абмеркавання актуальных праблем развіцця рэгіёна сацыяльныя групы, магчымасць інфармацыйнага ўплыву на якія па нейкіх прычынах абме-