КНіЖНЫ АГЛЯД .................................................... 92
/ В.М. Бароўская; [навук. рэд.: А.М. літвін]; нацыянальная акадэмія навук Беларусі, інстытут гісторыі. – Мінск: Беларуская навука, 2017. – 268, [1] с. – ISBN 978-985-08-2093-8.
Уманаграфіі праведзена сістэмнае даследаванне гісторыі савецкапольскіх перагавораў у 1918–1921 гадах. Асноўная мэта працы – вызначыць ролю і месца беларускага пытання ў савецка-польскім перагаворным працэсе. Падчас яе падрыхтоўкі вывучаны комплекс крыніц і матэрыялаў у архівах і архівасховішчах Беларусі, Польшчы, Літвы, Расіі, а таксама электронны архіў інстытута Ю. Пілсудскага ў Нью-ёрку.
Аўтар аналізуе фактары, якія ўплывалі на фарміраванне тэрытарыяльнай прасторы беларускай дзяржавы падчас савецка-польскіх перагавораў 1918–1921 гадоў, адлюстроўвае пазіцыі краін Антанты і ЗША, кіраўніцтва Савецкай Расіі, польскіх палітычных колаў па беларускім пытанні. Храналагічныя рамкі даследавання абмежаваны адрэз-
кам часу ад афіцыйнага абвяшчэння Польскай дзяржавы 11 лістапада 1918 года і па 18 сакавіка 1921 года, калі быў падпісаны канчатковы варыянт Рыжскага мірнага дагавора. Вызначана перыядызацыя перагаворнага працэсу, вылучаны неафіцыйная і афіцыйная часткі савецкапольскіх перагавораў. Падрабязным чынам разгледжана пытанне фарміравання беларускага ўчастка савецка-польскай мяжы і працэсу рэктыфікацыі. Таксама даследавана дзейнасць польска-расійскаўкраінскай ваеннай узгадняльнай камісіі на тэрыторыі Беларусі, асаблівасці стварэння і існавання нейтральной зоны.
Адметнасцю выдання з’яўляецца тое, што асаблівая ўвага засяроджана на пытаннях, якія раней або ўвогуле не закраналіся, або разглядаліся павярхоўна ці з пэўнымі скажэннямі.