Матэрыяльная спадчына роду агінскіх у Беларусі

/ уклад.: п.м. сапоцька, р.с. сарока; аўтары тэкстаў: в.в. Бурэнь і інш.]. – мінск: чатыры чвэрці, 2022. – 94 с.: іл. – ISBN: 978-985-581-522-9.

дынастыя агінскіх пакінула яскравы след у гісторыі і культуры Беларусі. многія прадстаўнікі гэтага роду былі заснавальнікамі велічных палацаў, фундатарамі кляштараў, ініцыятарамі адкрыцця бібліятэк і навучальных устаноў. асаблівую ўвагу яны надавалі садова-паркаваму мастацтву. у нас шмат месцаў, да гісторыі якіх спрычыніліся агінскія: маладзечна, залессе, гродна, віцебск, Бешанковічы, слонім, Бялынічы, сянно, ганута, смілавічы і інш. Шматлікія войны і час зруйнавалі многія каштоўнасці. на вялікі жаль, захаваліся толькі адзінкавыя помнікі, некаторыя з іх адноўлены, частка чакае рэстаўрацыі. Штосьці з матэрыяльнай спадчыны агінскіх можна ўбачыць на малюнках напалеона орды і леанарда ходзькі, на фотаздымках першай паловы XX стагоддзя. захавалася памяць пра іх і ў апісаннях на старонках мемуараў, у асабістых архівах і навуковых даследаваннях, у творах сучасных беларускіх мастакоў. неабходна адзначыць і грунтоўную працу рэстаўратараў па адраджэнні гістарычных аб’ектаў, навукоўцаў, краязнаўцаў, усіх неабыякавых да роднай культуры і мінуўшчыны людзей.

аўтары прымеркавалі выданне да года гістарычнай памяці і сабралі пад адной вокладкай цікавы краязнаўчы і навуковы матэрыял аб захаваных і знішчаных помніках, што непасрэдна звязаны з жыццём і дзейнасцю прадстаўнікоў роду агінскіх.

кніга прынясе карысць усім, хто цікавіцца гісторыяй і культурнай спадчынай нашай краіны.