Загучалі галасы маладых
Напярэдадні Дня моладзі выйшаў з друку дзявяты выпуск альманаха абласнога аддзялення грамадскага аб’яднання “Саюз пісьменнікаў Беларусі” “Літаратурная Гомельшчына”.
На гэты раз чытачы тут практычна не знойдуць твораў членаў пісьменніцкай арганізацыі. Гэты нумар цалкам аддадзены маладым аўтарам з Гомеля і вобласці.
— Разам з тым пад адну вокладку мы палічылі мэтазгодным змясціць і творы маладых аўтараў з Расіі і Украіны, — распавядае рэдактар выдання, старшыня абласнога аддзялення Саюза пісьменнікаў
Новае выданне: “Літаратурная Гомельшчына. Творчасць маладых: славянскі вянок” Беларусі Уладзімір Гаўрыловіч. — У новым зборніку даволі моцна гучаць галасы маладых і з Масквы, Бранска, Краснадара, Рыльска, Курска, Сумаў, іншых рэгіёнаў. Атрымаўся даволі моцны зборнік маладой славянскай літаратуры. Прыемна, што ён выходзіць на шырокія прасторы ў Год моладзі ў Беларусі, Год літаратуры ў Расіі і, перакананы, будзе яшчэ адным важкім унёскам у справу зберажэння адзінства славянскіх народаў.
На 230 старонках альманаха адной з важных тэм гучыць 70годдзе Перамогі савецкага народа ў Вялікай Айчыннай вайне над фашысцкай Германіяй. Для многіх гомельскіх літаратараўпачаткоўцаў, маладых творцаў са славянскіх краін, тэма вайны і подзвігу Чалавека — не нешта паўсядзённае, радавое. З асаблівым хваляваннем яны пішуць пра тое, што, магчыма, ім расказвалі дзядулі, бабулі — сведкі вайны, іх бацькі.
А яшчэ ў савеце аддзялення СПБ перакананы: невялікае выданне злучае ў адзінае думкі, душы маладых творцаў Беларусі, Расіі і Украіны. Прэзентацыя выдання адбылася ў час фестывалю “Славянскае адзінства — 2015” у Лоеве. Мікалай ІГНАТОВІЧ
Фота аўтара