Спецыялісты мяняюць прафесіі

БУДА-КАШАЛЁВА. Браты Яўген і Аляксандр Ткачовы працуюць інжынерамі ў сельгаспрадпрыемстве “Губічы”, а на час жніва становяцца камбайнерамі. І не толькі яны. Зараз хлеб на камбайнах убіраюць механік Раман Мячыкаў, электрык Уладзімір Белянок, іншыя спецыялісты гаспадаркі. Па словах старшыні кааператыва Міхаіла Рыбіка, гэтыя камбайнеры, як і вопытныя старэйшыя механізатары Уладзімір Іванавіч Дзегцярэнка і Уладзімір Мікалаевіч Гуцаў, дабіваюцца высокіх намалотаў, асабліва на ўчастках, дзе збажына дае да 45 цэнтнераў зерня з гектара.