У лесаводаў — свой гімн
Сёлетняе прафесійнае свята работнікі лясной гаспадаркі Рэспублікі Беларусь сустракаюць з уласным гімнам. Якраз напярэдадні былі падведзены вынікі галіновага конкурсу, удзел у якім прынялі каля 30 праектаў. Прыемна, што ў якасці афіцыйнага зацверджаны гімн, тэкст якога напісаў наш зямляк, ганаровы грамадзянін Буда-Кашалёўскага раёна, паэт Анатоль Зэкаў (музыку ўвасобіў кампазітар, заслужаны артыст краіны Леанід Шурман). Дарэчы, у свой час Анатоль Зэкаў узначальваў галіновую “Беларускую лясную газету” і менавіта тады ім быў напісаны яшчэ адзін гімн — для Буда-Кашалёўскага аграрна-тэхнічнага каледжа.