Да народа бліжэй
У Жыткавіцкім раёне з нядаўняга часу атрымала прапіску новая форма ўзаемадзеяння ўлады з насельніцтвам — жывы дыялог. У вызначаны дзень, загадзя апавясціўшы людзей, кіраўніцтва рэгіёна арганізуе ў пэўным Савеце выязны прыём грамадзян. Такія сустрэчы ў сельскай мясцовасці дазваляюць кожнаму чалавеку агучыць сваю праблему, каб сумеснымі намаганнямі знайсці выйсце з той ці іншай сітуацыі. Таксама дыялог спрыяе адкрытасці ўлады і ўстанаўленню кантакта з мясцовымі жыхарамі. Усе звароты, што паступаюць падчас сустрэч, абавязкова аналізуюцца, па іх прымаюцца ўпраўленчыя рашэнні.