Аўтобус паэтычны, маршрут № 20

ГОМЕЛЬ. Напярэдадні Дня беларускага пісьменства ў абласным цэнтры стартаваў паэтычны аўтобус. Рэалізавана сумесная задума калектываў “Гомельаблаўтатранса” і абласной універсальнай бібліятэкі. Паэтычны аўтобус рухаецца ў Гомелі па маршруце № 20. У салоне гучаць вершы беларускіх паэтаў. Пасажыры могуць азнаёміцца з творчасцю класікаў беларускай літаратуры Янкі Купалы, Якуба Коласа, Максіма Багдановіча і іншых пісьменнікаў.