Этнахатка ад прадзедаў
КАЛІНКАВІЧЫ. Напрыканцы 2016 года ў вёсцы Казловічы адкрыўся музей беларускай культуры. Этнахатка — так назвалі музей — размясцілася ў адрамантаванай пустуючай хаце, у якой некалі жыла ўдзельніца Вялікай Айчыннай вайны, партызанская сувязная Таццяна Зелянок. З рамонтам дапамаглі ўлады, будаўнічая брыгада мясцовай гаспадаркі і самі вяскоўцы. Яны таксама прынеслі ў новы музей некаторыя экспанаты. Большасць з іх шмат гадоў збірала бібліятэкар Тамара Манько — яна, дарэчы, і з’яўляецца ініцыятарам стварэння музея. Тут плануюць праводзіць не толькі экскурсіі, але і святы ў нацыянальных традыцыях.