Апошняе лета дзяцінства
ЖЫТКАВІЧЫ. На галоўнай плошчы горада выпускнікоў 12 школ раёна ўрачыста правялі ў дарослае жыццё. Старшыня райвыканкама Дзмітрый Гайкевіч уручыў адзінаццацікласнікам залатыя медалі. Сёлета свае веды падцвердзілі 23 вучні — рэкордная колькасць за апошнія гады. Прычым 13 узнагарод атрымалі навучэнцы галоўнай кузні выдатнікаў — гімназіі імя А. Ліхоты. За актыўную грамадскую работу, поспехі ў творчасці і спорце таксама адзначылі каля трох дзясяткаў выпускнікоў раёна.