Вартавыя лесу

На базе Лунінецкага, Старобінскага і Жыткавіцкага лясгасаў прайшла выязная калегія Міністэрства лясной гаспадаркі Рэспублікі Беларусь. Жыткавіцкія лесаводы прымалі калег з Брэсцкага і Магілёўскага рэгіёнаў. Першы намеснік міністра Аляксандр Кулік разам з удзельнікамі нарады азнаёміўся са станам спраў па навядзенню парадку на тэрыторыі Людзяневіцкага, Ленінскага, Беразнянскага і Мілевіцкага лясніцтваў. Госці наведалі створаныя на іхніх участках дэндрарыі. У цэлым жыткаўчане атрымалі станоўчую ацэнку дзейнасці, іх калегі многае ўзялі на ўзбраенне. На пленарным пасяджэнні ўдзельнікі калегіі абмеркавалі пытанні аховы ляснога фонду ад шкодных насякомых і захворванняў, небяспечных фактараў навакольнага асяроддзя і арганізацыі радыяцыйнага кантролю на аб’ектах лясной гаспадаркі. Таксама размова ішла аб выкананні прагнозных паказчыкаў сацыяльнаэканамічнага развіцця галіны за пяць месяцаў гэтага года. Святлана ШАКАЛЯН