Лета з добрай кнігай
1 чэрвеня на базе Мінскага гарадскога адукацыйна-аздараўленчага цэнтра “Лидер” урачыста стартавала рэспубліканская акцыя “Лета з добрай кнігай!”. Заснавальнікі — міністэрствы інфармацыі, адукацыі, Беларускі саюз жанчын, Саюз пісьменнікаў Беларусі.
У рамках акцыі ў абласной універсальнай бібліятэцы імя Леніна ў Гомелі 22 чэрвеня прайшла тэатралізаваная пастаноўка па кнізе “Жывая памяць маёй сям’і”. У кнігарнях Гомельшчыны запланаваны сустрэчы з пісьменнікамі-землякамі. Перасоўныя выставы выдавецтваў арганізуюць у бібліятэках Акцябрскага, Светлагорска, Жлобіна. У Рагачоўскай цэнтральнай раённай бібліятэцы пройдзе прома-акцыя “Чытайце беларускае!”. Падвядзенне вынікаў плануецца 2 верасня — на Дзень беларускага пісьменства ў Полацку. Т. ВІКТАРАВА