Справа маладых

Моладзь раёна ўключылася ў правядзенне кампаніі па выбарах у мясцовыя Саветы дэпутатаў. Навучэнцы Добрушскага прафесійнага політэхнічнага ліцэя актыўна адгукнуліся на прапанову райкама БРСМ арганізаваць перадвыбарчы флэш-моб. Каля чатырох дзясяткаў юнакоў і дзяўчат выстраіліся на пляцоўцы перад уваходам ва ўстанову ў прапанаваным парадку. З вышыні трэцяга паверха фігура нагадвала вялізную “галачку”. Такую будуць ставіць выбаршчыкі ў бюлетэнях, галасуючы за сваіх кандыдатаў. Спецыяліст райкама БРСМ Вольга Мельнікава паведаміла: эстафету правядзення флэш-моба Добруш пераняў ад Гомеля. Навучэнцы ліцэя заўсёды ахвотна прымаюць удзел у патрыятычных акцыях. Наталля ХАДУНЬКОВА