Музыка
Густое покрыва начы — Нідзе ні зорачкі. І раптам музыка гучыць, З душой гаворачы.
Заменай дзённага святла З вялікай міласці Мне хтосьці музыку паслаў — І ўсё змянілася.
Забыла страхі ўсе свае І ўсе нягоды я, Бо ува мне цяпер пяе, Жыве мелодыя.
Не кожны знае, Бах і Брамс, Якой вы нацыі. Ды на планеце ў гонар вас Гучаць авацыі.
Ідзеш, здараецца, ўначы З душой скамечанай, І раптам музыка гучыць — І боль залечаны.