Абутак з аўтамата
Аўтаматы па продажы аднаразовых чахлоў для абутку з’явіліся ў стацыянары цэнтральнай раённай бальніцы і паліклініцы.
Яны ўстаноўлены па дамоўленасці з фірмай-арандатарам, удакладнілі ў адміністрацыі ўстановы аховы здароўя. Новая паслуга – зручнасць для насельніцтва. Бахілы нярэдка выконваюць ролю своеасаблівага пропуска ў памяшканне медыцынскай установы. Напрыклад, без ахоўнага «абутку» не абысціся пры наведванні кабінета ўльтрагукавога даследавання, стаматалагічнага, акушэрска-гінекалагічнага аддзяленняў. А ў перыяд распаўсюджвання вірусных інфекцый чысціня мае вялікае значэнне.