Чаму на пажары ў Целяханах загінуў мужчына?
11 верасня ў 02.34 жыхары дома №33А па вуліцы 17 Верасня ў г. п. Целяханы выратавальнікам паведамілі пра задымленне ў пад'ездзе. Прычынай задымлення аказалася ўзгаранне ў адным з падвальных памяшканняў (секцый). Як аказалася, дадзенае памяшканне неаднаразова ўскрывалі і выкарыстоўвалі як прытулак для ўжывання спіртных напояў.
Пры правядзенні мерапрыемстваў выратавальнікамі без прыкмет жыцця быў знойдзены мужчына 1978 года нараджэння, які пражываў разам з маці 1950 года нараджэння, у дадзеным шматкватэрным доме.
Маці загінуўшага мужчыны тлумачыць, што сын на працягу ўсяго дня ўжываў спіртныя напоі і каля апоўначы пачаў патрабаваць іх у яе, але, не атрымаўшы жаданага, пакінуў кватэру і болей не вяртаўся. Мабыць, ён і адправіўся начаваць у падвал. Жанчына таксама паведаміла, што яе сын шмат ку
рыў, асабліва ў стане алкагольнага ап'янення. Часта курыў у ложку, не гледзячы, куды кідае попел і недакуркі.
Пры правядзенні судова-медыцынскіх экспертыз было ўстаноўлена, што смерць мужчыны наступіла ў выніку вострага атручвання вокісам вугляроду (угарным газам), у крыві выяўлены этылавы спірт у канцэнтрацыі 2,1 праміле. У мэтах папярэджання пажараў у жыллі выратавальнікі нагадваюць:
– не курыце ў ложку. Памятайце, цыгарэта і алкаголь – актыўныя саўдзельнікі пажару;
– не пакідайце без нагляду ўключаныя электрапрыборы; – сачыце за спраўнасцю электраправодкі, не перагружайце электрасетку;
– не пакідайце без дагляду малалетніх дзяцей.
Памятайце, што пажар лягчэй папярэдзіць, чым патушыць!
Пры ўзнікненні пажару неадкладна тэлефануйце па нумару 101 або 112.