Год работы на новым комплексе. Якія вынікі?
«У карэце мінулага далёка не заедзеш», – пакрэслілі падчас гутаркі з супрацоўнікам «ІВ» заатэхнікселекцыянер Павел Кныш і вядучы ветурач Алена Струцкая, знаёмячы з умовамі работы на новым малочнатаварным комплексе сельгасучастка «Воля» ААТ «Івацэвічыагратэхсервіс». Работа іх і іншых працаўнікоў комплексу змянілася значна: 11 кастрычніка 2019 года пачаў працаваць дадзены аб’ект, споўніўся год, як жывёлаводы сельгасучастка адзначылі наваселле.
Аператар машыннага даення Надзея Штэмпель адзначыла коратка: лягчэй і лепш працаваць на новым комплексе. Не параўнаць з тым, што было раней, – прыходзілася цягаць бачкі, шмат працаваць нахіліўшыся – і гэта пры тым, што абслугоўвала толькі 50 кароў. А зараз змена даярак абслугоўвае 680 дойных рагуль, але паколькі працэс пастаўлены на паток, то не так стамляешся.
Але ж пераход на новыя рэйкі – не самамэта. Галоўнае – павысіць паказчыкі ў рабоце. Ці ўдалося гэтага дабіцца за год? Паслухаем Юлію Войцік, вядучага эканаміста па сельгасвытворчасці сельгасучастка «Воля» ААТ «Івацэвічыагратэхсервіс»:
– Вось лічбы: надоі ў нас выраслі на 112 працэнтаў, калі параўноўваць 11 месяцаў адыходзячага года з адпаведным перыядам 2019 года. Надаілі за гэты перыяд года – 3 470 тон малака, большая частка яго пайшло сортам «Экстра», з тоны атрымліваем на 70 рублёў больш даходу, бо ў мінулым годзе малако атрымлівалі вышэйшым сортам, цана на яго ніжэйшая. Выручка за малако за 10 месяцаў бягучага года – 2 400 тысяч рублёў. І яна на 37 працэнтаў вышэй, чым за адпаведны перыяд мінулага года…
Лічбы неблагія, але вернемся зноў на комплекс «Воля». Цяпер тут сярэдні надой ад каровы прыкладна 15 кілаграмаў. Паказчык не самы высокі, аўтар публікацыі чакаў пачуць больш унушальную лічбу. Якія рэзервы для росту маюцца? З такім пытаннем звярнуліся да Паўла Кныша, заатэхніка-селекцыянера сельгасучастка «Воля».
– Перад намі пастаўлена задача максімальна хутка праводзіць абнаўленне статку. Дастаткова сказаць, што ад дойных кароў першай групы (ад 0 да 100 дзён паЗаатэхнік-селекцыянер Павел Кныш гарантуе, што сярэдні надой ад каровы на комплексе павысіцца. сля расцёлу) мы атрымліваем на новым комплексе 25,6 кілаграма малака. Работа па абнаўленні працягваецца, што дазволіць з цягам часу атрымліваць на комплексе і 16, і 17 кілаграмаў малака ад каровы, бо з усім астатнім – кадры, кармы – істотных праблем не маем.
Як кажуць, ловім на слове заатэхніка-селекцыянера. Наведаемся на комплекс на наступны дзень нараджэння і пацікавімся – ці ўдалося «прабіць» вышэйзгаданы паказчык? Бо для росту гэтых самых паказчыкаў усе ўмовы створаны.