Грамадства

Гэты год, што адлічвае апошнія дні, асмельваемся сказаць, прайшоў пад зоркай абуджэння ў нашым грамадстве цікавасці, адказнасці за сваю зямлю, за тое, што вакол нас. Канешне, гэта не нейкі адначасовы скачок свядомасці. Мы адыходзілі ад пазіцыі ўтрыманства пакрысе, пакрысе разбуралася перакананне, што гэта нехта павінен, што ў нас, маўляў, службы ёсць, бюджэт, рабочыя… Сёння зразумелі: можам без службаў і бюджэту зрабіць прыгожа і карысна. Для сябе, сваіх дзяцей і ўнукаў, для жыцця вакол.

z Адзін з важнейшых штрыхоў – тое, як мы аднесліся да праблем медыкаў, якія ўзніклі ў сувязі з пандэміяй каранавіруса. На спецыяльны рахунак бальніцы паступалі грашовыя сродкі практычна ад усіх арганізацый раёна, прыватных прадпрыемстваў, індывідуальных прадпрымальнікаў. Ахвяравалі, хто колькі мог.

z У лютым адкрыта дзіцячая пляцоўка ў аг. Святая Воля. Зроблена яна была сіламі вяскоўцаў, мясцовай улады, ААТ «Святая Воля».

z Пачата і закончана будаўніцтва дзіцячай пляцоўкі ў Краглевічах.

z Рашэнне аб будаўніцтве дзіцячых пляцовак прымаюць шэраг іншых сельсаветаў.

z З’явіліся ў райцэнтры двары, дзе за парадкам, за захаваннем і рамонтам гульнявога абсталявання сочаць самі жыльцы: рамантуюць, прыбіраюць, фарбуюць…

z Праходзяць суботнікі ва ўсіх населеных пунктах раёна, і тут не проста прыбіраецца, як раней, але высаджваюцца дрэўцы – цэлыя алеі.

z У Бабровічах ля капліцы закладзена і асвечана алея памяці, якая будзе складацца з 75 ялінак. Будуць тут і імянныя камяні…

z Алея памяці высаджана ў Амяльной. Летам у гэтым аграгарадку з’явілася і дзіцячая пляцоўка, а пазней і зона адпачынку для дарослых.

z У Гошчы не толькі праведзена добраўпарадкаванне, але і пасаджаны сасновы бор.

z Яшчэ ў студзені было прынята рашэнне райвыканкама, якое пачало вялікі праект: аб стварэнні ў райцэнтры часовага прытулку для бадзяжных сабак. Мала хто верыў у поспех гэтай справы. Тым не менш, праз кароткі час былі пабудаваны вальеры, прытулак запрацаваў. І знайшліся сярод жыхароў раёна сапраўдныя валанцёры. Цягам года клопат аб бадзяжных чатырохногіх праяўляла нямала людзей, забяспечваючы прытулак кормам, прыбіраючы там. Пра справы прытулку мы пісалі. Галоўнае: нямала бадзяжных сабак, дзякуючы яму, знайшлі новых сапраўдных гаспадароў. z Зроблены рамонт моста праз Грыўду.

z Пабудавана асвятленне па вуліцы Гамаліцкага ў райцэнтры.

z Зроблены капітальны рамонт трох шматкватэрных дамоў у Івацэвічах.

z Пачата будаўніцтва доўгачаканай скейт-пляцоўкі ля стадыёна «Кляноўка-арэна» ў Івацэвічах.

z Адрамантаваны ўчастак дарогі Краглевічы-коланск.

z У Выганашчах пабудавана новая помпавая станцыя.

z Завершаны капітальны рамонт трэцяга паверху Івацэвіцкай паліклінікі.

z Зроблены капітальны рамонт вуліцы 17 Верасня ў Целяханах.

z Пабудаваны новыя малочнатаварныя фермы ў ААТ «Мічурынск», «Святая Воля», працягваецца будаўніцтва ў ААТ «Перамога», «Горталь».

z З’явілася агароджа тратуараў па вуліцах Дзяржынскага і Чарткова ў райцэнтры для бяспекі пешаходаў.

z Пабудавана капітальная пляцоўка для збору смецця па вул. Славянская.

z У сакавіку пачалі работы па ўстройстве ў новым гарадскім парку алей і дарожак. Да восені яны тут з’явіліся, разам з прыгожым мастком, новымі зялёнымі насаджэннямі.

z Пабудаваны тратуар па вуліцы Гамаліцкага райцэнтра, зроблены рамонт тратуара па вуліцы Кароткай.

z 80-годдзе адзначыла СШ №1 г. Івацэвічы, 70-годдзе – Даманаўская сярэдняя школа. Слаўны шлях!

z Івацэвіцкі раённы цэнтр турызму і краязнаўства разам са спартыўна-аздараўленчай установай «Вымпел» прапанавалі новы адпачынак – сплаў на байдарках па Шчары.

z На абласных дажынках наш прафліцэй за высокі прафесіяналізм, унёсак у падрыхтоўку рабочых кадраў быў узнагароджаны трактарам!