«Школа бяспекі-2021»
У сценах ДУА «Сярэдняя школа №3 г. Івацэвічы» сярод вучняў устаноў адукацыі адбыўся другі (раённы) этап рэспубліканскага конкурсу «Школа бяспекі – 2021». Алімпіяда па асновах бяспекі жыццядзейнасці створана для таго, каб выявіць і падтрымаць найбольш адораных вучняў Івацэвіцкага раёна.
У спаборніцтвах прымалі ўдзел больш за 70 эрудытаў, якія ўжо ў сваёй установе адукацыі прайшлі своеасаблівы «кастынг».
Алімпіяда праходзіць сярод школьнікаў розных узроставых груп. Кожны ўдзельнік алімпіяды павінен быў адказаць на 30 пытанняў-тэстаў. Варта адзначыць, што ў кожным пытанні правільным лічыўся не толькі адзін варыянт адказу. Пасля падвядзення вынікаў уладальнікамі ўзнагарод у малодшай узроставай катэгорыі сталі Дзяніс Песка, вучань ДУА «Сярэдняя школа №3 г. Івацэвічы», другой стала Ганна Дзячэк, вучаніца ДУА «Вулька-аброўская сярэдняя школа», а трэцяе месца заняў прадстаўнік ДУА «Зеленаборская сярэдняя школа» Ягор Валошчык. Сярод вучняў 5-7-ых класаў: 1-е месца – Іван Марчанка (ДУА «Сярэдняя школа №1 г. Івацэвічы»), 2-е месца – Паліна Аленіч, вучаніца ДУА «Волькаўская сярэдняя школа», 3-е месца падзялілі Ілья Бялевіч (ДУА «Сярэдняя школа №4 г. Івацэвічы») і Вераніка Ахмедава (ДУА «Яглевіцкая сярэдняя школа»).
У старэйшай узроставай групе (8-11 класы) лепшым стаў Аляксей Лагвіновіч з ДУА «Сярэдняя школа №4 г. Івацэвічы». Другое месца ў вучняў ДУА «Сярэдняя школа №1 г. Івацэвічы» Арцёма Ефімовіча і ДУА «Квасевіцкая базавая школа» Паўла Кулінкі. Трэці вынік паказаў вучань ДУА «Вялікагацкая сярэдняя школа» Аляксандр Абрамчук.
Вучні, якія занялі першыя і другія месцы, прадставілі Івацэвіцкі раён у трэцім (абласным) этапе алімпіяды рэспубліканскага конкурсу «Школа бяспекі – 2021», які адбыўся 25 лютага ў горадзе Пінску. Яго вынікі: у сярэдняй узроставай групе з 40 удзельнікаў Іван Марчанка (ДУА «СШ №1 г. Івацэвічы») заняў 2-е месца, Паліна Аленіч (ДУА «Волькаўская СШ») – 4-е месца. У старэйшай узроставай групе вучань ДУА «СШ №1 г. Івацэвічы» Арцём Ефімовіч стаў чацвёртым.
Уладзіслава ПАРХОМІК, старшы інспектар СПІУГ Івацэвіцкага РАНС.