Ці многа карова дае малака?

Перад пачаткам зімовага стойлавага перыяду 2021-2022 гадоў падводзім вынікі работы галіны жывёлагадоўлі за дзевяць месяцаў бягучага года. Так, валавая вытворчасць малака за дзевяць месяцаў у сельгаспрадпрыемствах Івацэвіцкага раёна склала 88 536 тон, павялічыўшыся на 2 тыс. 58 тон да аналагічнага перыяду мінулага года. Найбольшы прырост па малаку атрымалі ў ААТ «Целяханыагра» – 121,1 працэнт, ААТ «Святая Воля» – 116,6, ААТ «Падстарынь» – 109,2 працэнта.

Надой малака ў разліку на адну карову склаў 4 546 кг, а гэта на 90 кілаграмаў вышэй узроўню 2020 года. За тры квартала года чатыры гаспадаркі перасягнулі рубеж па надою на адну галаву каровы звыш 6 000 кг. Гэта ААТ «Квасевічы» – 6 224 кг (плюс 372 кг да ўзроўню 2020 года), ААТ «Косава» – 6 222 (плюс 274 кг), СВУ «Даманава» – 6 092 (плюс 81 кг).

А лідзіруючыя пазіцыі па-ранейшаму займае ААТ «Святая Воля», дзе надой на адну карову за дзевяць месяцаў складае 7 209 кг (плюс 265 кг да ўзроўню 2020 года).

Хочацца адзначыць гаспадаркі, якія значна прыбавілі ў надоях на адну галаву каровы. У першую чаргу, гэта «Целяханы-агра» – плюс 680 кг, філіял «Дабромысль» – 505, ААТ «Падстарынь» – 395. Радуе вучэбная гаспадарка прафліцэя, дзе прыбавілі на 627 кг.

На сённяшні дзень штодзённая вытворчасць малака па раёне складае 323 тоны або 107 працэнтаў да аналагічнага перыяду мінулага года. 85 працэнтаў яго доіцца на пабудаваных і рэканструяваных у апошнія гады комплексах, дзе знаходзіцца 14 923 каровы (78 працэнтаў дойнага статка). Сутачны надой на карову на такіх комплексах складае 18,3 кг, пры сярэднераённым – 16,72 кг.

Разам з павелічэннем вытворчасці малака пастаянна вядзецца работа па павышэнні яго якасці. Так, на перапрацоўку сортам «Экстра» і вышэйшым сортам накіравалі 91,6 працэнта прадукцыі (плюс 3,0), з іх сортам «Экстра» – 69,5 (плюс 7,1). Рэалізацыя малака першым сортам складае 8,4 працэнты (мінус 3,0).

Вытворчасць мяса жывёлы на 1 кастрычніка склала 6 458 тон, або 101 працэнт да аналагічнага перыяду мінулага года. Сярэднесутачныя прывагі па раёне на вырошчванні і адкорме буйной рагатай жывёлы – 610 грамаў (плюс 17 грамаў). Больш за 600 грамаў прывагі маюць 10 сельгаспрадпрыемстваў, а больш за 700 атрымліваюць у ААТ «Косава» – 781 грам, ААТ «Квасевічы» – 755, ААТ «Святая Воля» – 752, СВУ «Даманава» – 746 грамаў.

Хаця яшчэ вядзецца нарыхтоўка кукурузнага сіласу, на зімовы стойлавы перыяд 2021-2022 гадоў маецца добрая кармавая база, нарыхтавана 224 тыс. 643 тоны сіласу, 200 тыс. 263 тоны сенажу і 8 187 тон сена, а гэта 29,1 цэнтнера кармавых адзінак на ўмоўную галаву жывёлы.

Галоўнае зараз – завяршыць падрыхтоўку жывёлаводчых памяшканняў да зімоўкі і пераводу жывёлы на зімовы рацыён харчавання – ад гэтага напрамую залежаць будучыя надоі і прывагі.

Наталля ЯЎМЕНЕНКА, першы намеснік начальніка ўпраўлення па сельскай гаспадарцы

і харчаванні райвыканкама.