Што паказала аперацыя «Арсенал»?
У першай палове кастрычніка органамі ўнутраных спраў
Беларусі арганізавана правядзенне аператыўнапрафілактычнага спецыяльнага мерапрыемства «Арсенал».
Яго асноўная мэта – процідзеянне незаконнаму звароту зброі, боепрыпасаў, выбуховых сродкаў і рэчываў. Супрацоўнікі Івацэвіцкага РАУС у гэты перыяд накіравалі свае намаганні на выяўленне асоб, якія захоўваюць вышэйзгаданыя прадметы без адпаведнага дазволу.
За чатыры дні супрацоўнікамі райаддзела міліцыі канфіскавана сем адзінак зарэгістраванай і незарэгістраванай зброі, 61 боепрыпас (патроны да розных відаў зброі), 0,5 кг выбуховых рэчываў (порах, тры факты).
Так, у жыхара вёскі Рудня канфіскавана незарэгістраванае паляўнічае ружжо, патроны розных калібраў, 100 грамаў пораху і 26 баявых патронаў калібру 5,6 мм да пісталета Сцечкіна. Вырашаецца пытанне аб узбуджэнні крымінальнай справы, бо калі за захоўванне паляўнічай зброі прадугледжана адміністрацыйная адказнасць, то за баявыя патроны і зброю – крымінальная. У жыхара Івацэвічаў знойдзены патроны да паляўнічага ружжа і 200 грамаў пораху – захоўванне пораху таксама цягне на ўзбуджэнне крымінальнай справы.
Нагадваем, што асобы, якія добраахвотна здалі незаконна захоўваемую зброю або боепрыпасы, вызваляюцца ад крымінальнай і адміністрацыйнай адказнасці. Па пытаннях добраахвотнай здачы звяртайцеся ў Івацэвіцкі РАУС. Нумары тэлефонаў: 2-46-44, 9-22-60, 2-05-80 або 102.
З 25 кастрычніка па 3 лістапада на тэрыторыі Івацэвіцкага раёна пройдзе рэспубліканская акцыя «Быт». Мэта – прафілактыка злачынстваў у сямейнай сферы. У нашым раёне з пачатку года ўзбуджаны крымінальныя справы за нанясенне цяжкіх цялесных пашкоджанняў, катаванні, пагрозу забойствам… Зарэгістравана болей за 300 выклікаў на сямейныя скандалы. Просім грамадзян не быць раўнадушнымі і рабіць паведамленні ў міліцыю, калі сутыкаецеся з фактамі сямейнага гвалту, скандаламі, іншымі падобнымі праяўленнямі.
Яўген МІХНЮК, начальнік адзела аховы правапарадку і прафілактыкі
Івацэвіцкага РАУС.