Падтрымаць Івацэвіцкі вытворчы ўчастак інвалідаў па зроку
І даць яму імпульс для новага жыцця
Гэтае і іншыя вытворчыя пытанні абмяркоўваліся падчас сустрэчы дэпутата Палаты прадстаўнікоў Нацыянальнага сходу Рэспублікі Беларусь па Івацэвіцкай выбарчай акрузе №11 Наталлі
Голуб з калектывам Івацэвіцкага вытворчага ўчастка інвалідаў па зроку ўнітарнага прадпрыемства «Элкіс» ГА «БЕЛТІЗ». Зацікаўлены ўдзел у сустрэчы прыняў Леанід Кавалевіч, які ў мінулым і сам выконваў наказы выбаршчыкаў у якасці дэпутата Парламента краіны і стаяў ля вытокаў стварэння гэтага вытворчага ўчастка. Леанід Мікалаевіч аказаў у свой час значную арганізацыйную дапамогу ў перадачы і рэканструкцыі будынка тады яшчэ раённай грамадскай арганізацыі інвалідаў па зроку, і цяпер цікавіцца справамі інвалідаў і намераны пашырыць вытворчасць і давесці пачатае да рэзультатыўнага выніку.
Сустрэча атрымалася плённай і карыснай для абодвух бакоў. Дзеючы дэпутат Парламента краіны Наталля Голуб пазнаёмілася з дзейнасцю Івацэвіцкага вытворчага ўчастка інвалідаў па зроку. «17 кастрычніка, нам, дарэчы, споўнілася 9 гадоў», – падкрэсліў Іван Каленік, які шмат гадоў быў старшынёй раённай грамадскай арганізацыі інвалідаў па зроку і таксама прымаў
Падчас абмяркоўвання вытворчых пытанняў
з дэпутатам Парламента Наталляй Голуб.
зацікаўлены ўдзел у сустрэчы.
Раней маленькі вытворчы калектыў месціўся на арандаваных плошчах, а некалькі гадоў таму інваліды па зроку справілі ўходзіны – раённай грамадскай арганізацыі быў перададзены будынак, які ў кароткі тэрмін быў рэканструяваны ў разы танней, чым на гэта трэба было выдаткаваць дзяржаўных сродкаў. Танней, бо ў работах прымалі ўдзел і сам старшыня раённай грамадскай
арганізацыі інвалідаў па зроку Іван Каленік, і многія члены арганізацыі, спонсары і проста нераўнадушныя людзі: хто дзверы вёз, хто цэмент, хто тынкаваў, хто клаў плітку, а хто арганізоўваў дабрачынны канцэрт Ірыны Дарафеевай у Івацэвічах, каб за выручаныя ад канцэрта сродкі перарабіць дах будынка інвалідаў па зроку.