Падоўжыць «жыццё» свежым качанам
Каб усю зіму радаваць сябе салатамі ды стравамі са свежай капустай, пачынаць трэба з правільнага збору агародніны.
Так, у кожнага сорту свой тэрмін уборкі – яго вы знойдзеце на ўпакоўцы ад насення (яе не выкідайце!) Асцярожна выкопвайце карані рыдлёўкай і збівайце зямлю, не адразайце карані адразу, зрабіце гэта непасрэдна перад адпраўкай качаноў у склеп ці на балкон. Абсушыце капусту хаця б суткі, ніколі адразу не хавайце качаны.
Выратаваць ваш ураджай ад прамярзання і загнівання дапамогуць:
– ПАДСУШАНАЕ ЛІСЦЕ. Падвесьце спачатку пад столлю качаны, для гэтага не абразайце карані адразу, пад сухім верхнім лісцем свежым і прыгожым захаваецца качан.
– МЕЛ. Прыпудрыце капусту тоўчаным мелам, ён забярэ лішнюю вільгаць.
– ПАПЕРА. Капусту без кораня добра захоўваць у паперы. Аднак, вазьміце чыстую паперу, без раздрукаванага на ёй тэксце. Фарба можа паскорыць працэс гніення.
– ХАРЧОВАЯ ПЛЁНКА. Гэта вельмі эфектыўны спосаб захавання капусты. Кожны качан завярніце асобна ў плёнку максімальна шчыльна, так матэрыял не прапусціць паветра і вільгаці.
– ПЯСОК. Прысыпце качаны пяском, ён прытармозіць працэс гніення.
Пры выбары месца захоўвання гародніны памятайце пра аптымальную тэмпературу захоўвання – 0 градусаў. Капуста патрабавальная, не пацярпіць адыходу ад рэжыму нават у некалькі градусаў. Агледзьце качаны з усіх бакоў – капусту з расколінамі лепш адразу прыгатаваць. Калі вы нічым не абмотваеце качаны, сачыце за тым, каб яны не дакраналіся адзін да аднаго. Прытрымлівайцеся гэтых правілаў, і стравы з такога моцнага імунастымулятару часоў нашых бабуль і дзядуль доўга будуць на вашым стале!