Прэзідэнт Беларусі прыбыў у ААЭ
Аляксандр Лукашэнка знаходзіцца з візітам у Аб'яднаных Арабскіх Эміратах. У час візіту ў Прэзідэнта Беларусі запланаваны шэраг сустрэч і перагавораў. Тэму супрацоўніцтва з Эміратамі Аляксандр Лукашэнка ўзнімаў нядаўна ў час наведвання выстаўкі «Беларусь інтэлектуальная». Асаблівую цікавасць Кіраўніка дзяржавы на выстаўцы выклікалі распрацоўкі ў галіне штучнага інтэлекту. Гэту тэму ён абмяркоўваў раней у ходзе сустрэч з замежнымі партнёрамі, у тым ліку з Аб'яднаных Арабскіх Эміратаў, якія сур'ёзна займаюцца гэтым напрамкам. Нагадаў таксама Прэзідэнт і аб праекце па будаўніцтве ў Мінску эксперыментальнага шматфункцыянальнага комплексу «Паўночны бераг».
– Чаму я на гэта клюнуў: не толькі таму, што там $5 млрд інвестыцый будзе, а яны паабяцалі мне стварыць гэты разумны горад. І там магутную адукацыйную платформу па штучным інтэлекце. Там будзе ўніверсітэт, будзем рыхтаваць людзей, – расказаў Кіраўнік дзяржавы.
У цэлым жа гандлёва-эканамічнае супрацоўніцтва паміж Беларуссю і ААЭ паступальна развіваецца. Сумесныя інтарэсы і перспектывы супрацоўніцтва, у тым ліку ў такіх сферах, як інвестыцыі, прамысловасць, сельская гаспадарка, банкаўская справа і фінансы, транспарт і лагістыка, адукацыя і навуковыя даследаванні, спорт і турызм.
Узаемадапаўняльнасць эканомік Беларусі і ААЭ з'яўляецца спрыяльным фактарам для развіцця гандлёва-эканамічнага супрацоўніцтва. Беларусь не толькі імкнецца выкарыстоўваць магчымасці ёмістага рынку ААЭ для экспарту тавараў і паслуг, але таксама выкарыстоўвае транспартналагістычныя перавагі паставак сваёй прадукцыі з ААЭ у краіны Блізкага Усходу і Афрыкі.