Да ветэранаў – з клопатам і ўвагай

Барыс іванавіч падзяліўся ўспамінамі пра вайну. Сярод узнагарод ёсць і франтавыя, і партызанскія. Ніколі не забыць, як, адпраўляючыся на фронт, яны рабілі маршкідок – 18 начэй ішлі, маючы магчымасць адпачыць толькі на 10-я суткі. і адразу ў бой. Многіх у тым баі страцілі... Дзень Перамогі ў 1945-м годзе ён, кулямётчык, сустрэў ва Усходняй Прусіі. Напярэдадні, 4 мая 1945-га, яго выпісалі са шпіталя пасля ранення пад Кёнігсбергам і адправілі ў запасны полк.

9 мая ўсе салютавалі са зброі, у каго якая была ў руках. Гэта быў самы радасны дзень!

У мірны час Барыс іванавіч сумленна працаваў, з жонкай выгадавалі траіх дзяцей. Зараз у Сям'і Саханько чацвёра ўнукаў і трое праўнукаў. У доме дзякуючы клопату дачкі Людмілы ідэальная чысціня і парадак. Дэпутат Наталля Голуб пажадала ветэрану доўгіх гадоў жыцця, каб ён, жывы сведка тых страшных

гадоў, дзяліўся сваімі ўспамінамі і заставаўся прыкладам для цяперашняй моладзі.

Днём раней аднаразовую дапамогу да Дня Перамогі выплацілі 90гадовай вязніцы Яўгеніі Пятроўне Кікун з Падстарыні, а таксама павіншавалі Вольгу Васільеўну Казак з 90-гадовым юбілеем. Віншаваць 90 і 95-гадовых юбіляраў – добрая традыцыя не толькі Яглевіцкага сельвыканкама.

Памеры матэрыяльнай дапамогі да Дня Перамогі вызначаны пастановай Савета Міністраў № 180 ад 14 сакавіка 2023 года. Сумы павялічаныя ў параўнанні з 2022 годам – тады было ад 750 да 1 800 рублёў, сёння – ад 850 да 2 000 рублёў. Аднаразовую матэрыяльную дапамогу з Рэспублікіскага бюджэту да Дня Перамогі атрымаюць каля 10 тыс. чалавек. Усяго з бюджэту на матдапамогу выдзелена 10 мільёнаў рублёў.

Валянціна БОБРЫК. Фота Валерыя МІСКЕВІЧА.