На карце саўгаса «Падольскі»
Рэспубліканская акцыя «Наш жывёлавод» працягваецца на Астравеччыне ўвесь зімнестойлавы перыяд.
Ветурач Алена Бараноўская і даярка Алена Чарняўская з МТК «Рытань»
Нагадаем: падарункі і Падзякі ад райкама прафсаюза работнікаў аграпрамысловага комплексу ўжо атрымалі працаўнікі КСУП «Гудагай», а на гэтым тыдні – жывёлаводы РУП «Астравецкі саўгас «Падольскі».
У гэтай гаспадарцы, у адрозненне ад іншых, вытворчасцю малака займаюцца толькі на малочнатаварных комплексах «Рытань» і «Падольцы», на іншых фермах – вырошчваюць і адкормліваюць буйную рагатую жывёлу. Дарэчы, па выніках раённага сельскагаспадарчага спаборніцтва, якія штогод напярэдадні прафесійнага свята аграрыяў падводзіць упраўленне сельскай гаспадаркі і харчавання, РУП «Астравецкі саўгас «Падольцы» займае ІІІ месца, прапусціўшы наперад «малочнага» і «мяснога» флагманаў – КСУП «Гудагай» і «Гервяты» адпаведна.
З прафсаюзнымі лідарамі аграрыяў і гаспадаркі Юрыем Адулам і Людмілай Казлоўскай наш карэспандэнт пабываў на ўсіх комплексах і фермах РУП «Астравецкі саўгас «Падольскі».
Жывёлаводу Вользе Слепіка, якая ў дзень нашага прыезду была ў адпачынку, паабяцалі перадаць падарунак.
Менавіта тут мы заспелі загадчыка Алімпію Валынец. Да слова, жанчына яшчэ «кіруе» і фермай у вёсцы Дуда.
Цялятніца Валянціна Казлоўская (МТК «Падольцы»)
кардоннай фабрыцы ў Альхоўцы, але вярнуўся на малую радзіму. Сяргей клапоціцца, каб кармавыя сталы дойных кароў не пуставалі, – і, відаць, у яго гэта добра атрымліваецца.
Пасля заканчэння Іллянскага каледжа Павел Аўсюкевіч вярнуўся ў родны саўгас – працуе тут ужо 2 гады і пакідаць яго не збіраецца. Штодзень малады чалавек дабіраецца з Кямелішак на ферму ў Талюшаны на ўласнай машыне. Работу на месцы ў Кямелішках нават не разглядвае: трымае «талюшанскі», хоць невялікі, але дружны калектыў.