Сляды і паслядоўнікі Ніны Бохан
У аддзеле культуры і вольнага часу аграгарадка Варняны адкрылася выстава маляванак самадзейнай мастачкі Ніны Бохан, жыццё і творчасць якой цесна звязана з Астравеччынай.
Наганнямі журналісткі смаргонскай раённай газеты «Светлы шлях» Галіны Антонавай з падачы краязнаўцы Аляксея Крукоўскага і стараннямі многіх іншых людзей імя Ніны Бохан вярнулася з забыцця: у сакавіку выстава маляванак прэзентавалася ў Смаргонскім краязнаўчым музеі, а праз месяц прыехала ў Варняны.
Галіна Францішкаўна расказала пра асабістае знаёмства з творчасцю Ніны Бохан і пошукі яе работ. Па меркаванні журналісткі, астравецкі след мастачкі яшчэ слаба вывучаны. Падчас «палявання на карціны» Боханіхі ў жанчыны атрымалася ўратаваць некалькі работ, выкупіўшы іх у гаспадароў, якія не здагадваліся пра мастацкую вартасць маляванак.
Выхавальнік беларускамоўнай групы аднаго са смаргонскіх садкоў Эдзіта Бранцэвіч па матывах творчасці Ніны Бохан стварыла самаробную кнігу, у якую ўвайшлі не толькі копіі работ мастачкі, але і аўтарскія казкі, маляванкі, развіваючыя заданні для дзетак.
– Тэхніка, у якой працавала Ніна Бохан, лічыцца наіўным мастацтвам… Наіўнае, але не прымітыўнае. У кожнай рабоце ёсць душа, – лічыць Эдзіта Эдуардаўна.
Слова ад гасцей-суседзяў узяла і дырэктар Смаргонскага сацыяльна-педагагічнага Ларыса Татарынава.
Цудоўным музычным аздабленнем вечарыны памяці Ніны Бохан сталі песні, у тым ліку і запісаныя ў вёсках Варнянскага сельсавета, работнікаў дома культуры Людмілы Кухарэвіч і Марыны Садоўскай.
Прысутныя на імпрэзе варнянцы таксама падзяліліся ўспамінамі пра работы – хутчэй за ўсё той жа Боханіхі. Люцыя Адула расказала, што памятае маляваныя кветкі ў доме сваёй свекрыві ў Хралах, а Ірына Масейка бачыла такія роспісы ў хаце Ядзі Раўдановай ў Стаўбурах.
…Згадка да згадкі, успамін да ўспаміну – і, магчыма, намацэнтра
ганнямі нераўнадушных людзей з часам цалкам вымалюецца карціна жыцця і творчасці чалавека-фантома – мастачкісамавучкі Ніны Бохан.
Калі ў вас ці ў вашых знаёмых захаваліся работы мастачкі, вы маеце яе здымкі ці нешта ведаеце пра Ніну Бохан, завітайце ці тэлефануйце ў рэдакцыю па нумары 70015 ці звяжыцеся з Г.Ф. Антонавай па тэлефоне 8 (029) 3021225.