ЯК КАРАБЕЛЬ НАЗАВЕШ
– Я другі раз тут адпачываю. У мінулым годзе маці паказала ў «Інстаграм», што ёсць такі летнік, – там былі змешчаны фота і відэа адпачынку за пазамінулыя гады. Мне спадабалася. Летась была экалагічная змена – вучыліся, як зберагчы ад забруджвання нашу планету, ахоўваць прыроду. А ў гэтым годзе – мы знаёміліся з рознымі прафесіямі – нам нават працоўныя кніжкі давалі, шмат дзе на экскурсіях былі.
У наступным годзе дакладна буду тут адпачываць. Не ведаю, якая змена будзе, але не сумняваюся, што цікавая. Ад назвы шмат што залежыць, лічыць Вольга Герасімовіч, намеснік дырэктара Астравецкага цэнтра творчасці дзяцей і моладзі, ідэйны натхняльнік і першы начальнік «Млына».
– Хацелася, каб назва адлюстроўвала дзейнасць лагера, задавала настрой на адпачынак, – расказвае Вольга Валянцінаўна. – Крылы працуючага млына знаходзяцца ў руху, яны ўвесь час круцяцца-верцяцца – так і нашы выхавацелі з дзецьмі ў бесперапынным творчым руху. Вельмі важна, каб у лагеры былі традыцыі, стваралася гісторыя – гэта прываблівае дзяцей, аб’ядноўвае іх, і педагагічнаму калекты- ву так лягчэй працаваць – ёсць ідэйная база.
У «Млыне» вядзецца фоталетапіс, распрацаваны значкі-лагатыпы летніка, якія штогод на адкрыцці змены ўручаюць выхаванцам, – як сімвал таго, што яны сталі часткай агульнай творчай сям’і.
– У нас вызначаны дрэс-код і для педагогаў, і для дзяцей. Ёсць і іншая сімволіка – песня, танец,
– Я першы раз у «Млыне» – мяне з братам Ярыкам мама сюды запісала. Пра гэты лагер чуў ад сяброў – казалі, што тут добра. І праўда: весела, мы ўвесь час нешта робім, да нечага рыхтуемся. З эксурсій мне найбольш запомнілася аграсядзіба, дзе можна на прыродзе адпачываць усёй сям’ёй, – «Радзюшы» называецца. Там нават з лука можна пастраляць! На наступны год таксама ў гэты лагер прыйду.
– дзеліцца вопытам работы намеснік дырэктара. – Гэта дапамагае аб’яднаць дзяцей – яны прыходзяць упершыню і адразу пачынаюць разумець, што як працуе, што тут ёсць свае законы. Штогод у праграму будуць абавязкова ўключаны майстар-класы па дэкаратыўна-прыкладным мастацтве і харэаграфічныя заняткі, бо летнік арыентаваны ў першую чаргу на развіццё творчых здольнасцей дзяцей.
Вольга Валянцінаўна расказала, што падчас распрацоўкі выхаваўчых праграм галоўным з’яўляюцца інтарэсы дзяцей. І тады ўжо іх цікавасць праз розныя формы работы скіроўваецца на сацыяльна-значную дзейнасць.
– На забавы мы не забываемся, проста стараемся навучыць нечаму, расказаць, прыдачыніць да карысных спраў праз гульню, спаборніцтва. Калі не прадугледзець гэты адукацыйны момант, дзецям надакучыць – яны ж спасцігаюць свет, ім патрэбна рабіць адкрыцці, нечаму здзіўляцца, – упэўнена Вольга Валянцінаўна. – Гэта павінна быць актуальна, сучасна і цікава для дзяцей і педагогаў – без апантанасці настаўніка, яго гарэння справай выніку не будзе. Графік работы ў нас вельмі напружаны, але такі тэмп мае аддачу: да нас хочуць ісці.
Акрамя таго, педагогі цэнтра творчасці заўсёды ў курсе навінак метадычнай літаратуры, пастаянныя ўдзельнікі рэспубліканскіх семінараў па арганізацыі дзіцячага адпачынку – гэта таксама дапамагае скіравацца ў патрэбнае рэчышча.
Так, у гэтым годзе выхаванцаў запрасілі на «PRO100Р прафесій», дзе іх не толькі знаёмілі з рознымі спецыяльнасцямі з выхадам на месца, а яшчэ дапамагалі спазнаць сябе, каб вызначыцца, да якой справы маюць прыхільнасць.
З ПЕРШЫХ ВУСНАЎ