Кукурузу ўбірай – і пра бяспеку дбай
Да слова сказаць, падобныя праверкі рэгулярна праводзяцца на Астравеччыне падчас асноўных сельскагаспадарчых кампаній. Іх мэта – не толькі выявіць парушэнні, але і аказаць практычную дапамогу па стварэнні бяспечных для работнікаў умоў.
З начальнікам Смаргонскага міжрайаддзела Гродзенскага абласнога ўпраўлення Дэпартамента дзяржінспекцыі працы Святланай Шатохінай, памочнікам урача-гігіеніста Вячаславам Саковічам і галоўным спецыялістам упраўлення па працы, занятасці і сацыяльнай абароне Леанідам Русецкім мы наведалі КСУПЫ «Гудагай» і «Варняны».
У дзень візіту ў гудагайскай гаспадарцы закладвалі тэхналагічную ёмістасць для захоўвання кармоў. Работы ішлі побач з будаўнічай пляцоўкай у Смілгах, дзе ўзводзіцца новы малочна-таварны комплекс. Правяраючых цікавілі наяўнасць у механізатараў пуцявых лістоў, аптэчак, спецыяльнага адзення і абутку, тэхнічны стан сельскагаспадарчых машын. Варта адзначыць, што да гудагайскіх корманарыхтоўшчыкаў значных пытанняў не было – ім своечасова выдадзена спецвопратка і абутак, а ў МАЗАХ, трактарах і пагрузчыках ёсць аптэчкі, новыя вогнетушыцелі, супрацьадкатныя ўпоры.
У КСУП «Варняны» мабільная група наведала малочна-таварны комплекс «Газа», побач з якім закладвалі сіласную траншэю. У цэнтры ўвагі былі пытанні наяўнасці ў тэхніцы аптэчак, знакаў аварыйнага прыпынку, праходжання тэх- і медаглядаў. дзяржаўныя нумарныя знакі. На бартах самазвалаў, якія перавозілі кукурузную масу, не было надпісаў «Не працаваць без упора пад паднятым кузавам!». Выпускалі на лінію аўтатрактарную тэхніку, самаходныя машыны, якія не прайшлі дзяржаўны тэхагляд, без вогнетушыцеляў, супрацьадкатных упораў, знакаў аварыйнага прыпынку. Зафіксаваны выпадкі допуску працаўнікоў да работы без праходжання кантролю на стан ап’янення. Па выніках маніторынгу сельгасарганізацыям выдадзены рэкамендацыі аб выпраўленні выяўленых мабільнай групай парушэнняў. Адзначу, што па стане на 4 кастрычніка не зарэгістравана выпадкаў вытворчага траўматызму ў перыяд уборкі кукурузы.
Рэната Яфімава, галоўны інжынер райсельгасхарчу:
– Пытанні стану аховы працы, транспартнай і пажарнай бяспекі ў падведамасных арганізацыях пастаянна разглядаюцца ўпраўленнем сельскай гаспадаркі і харчавання на пасяджэннях калегіі, нарадах, выязных семінарах. Значнаць аховы працы на сельгасвытворчасці вельмі важная, таму што пагарджэнне яе правіламі часта прыводзіць да негатыўных наступстваў. Парушэнні, выяўленыя мабільнай групай у гаспадарках падчас месячніка бяспекі працы на ўборцы кукурузы, будуць разгледжаны на нарадзе калегіі з прыняццем адпаведных мер да вінаватых службовых асоб.