Падарункі на сяўбе
У ЛЮБУЮ ПАРУ ГОДА РАЙКАМ ПРАФСАЮЗА РАБОТНІКАЎ АГРАПРАМЫСЛОВАГА КОМПЛЕКСУ ДБАЕ ПРА ВЯСКОЎЦАЎ І СТАРАЕЦЦА АДЗНАЧЫЦЬ РАБОТУ ЛЕПШЫХ У РАСЛІНАВОДСТВЕ І ЖЫВЁЛАГАДОЎЛІ. СТАЛІ ВЯДОМЫЯ ПРОЗВІШЧЫ АПОШНІХ ПЕРАМОЖЦАЎ ПРАЦОЎНАГА СПАБОРНІЦТВА СЯРОД МЕХАНІЗАТАРАЎ, ЗАНЯТЫХ НА ВЯСЕННЕ-ПАЛЯВЫХ РАБОТАХ.
Нагадаю, што ў большасці намінацый лідары вызначыліся яшчэ напачатку мая. Лепшыя аратыя, сейбіты збожжавых і траў, механізатары, якія культывуюць глебу, уносяць і загружаюць мінеральныя ўгнаенні і арганіку, атрымалі заслужаныя Падзякі і падарункавыя сертыфікаты. Да гэтага часу заставалася інтрыгай, хто стане лепшым на сяўбе цукровых буракоў і кукурузы – прыгортванне насення гэтых культур заканчваецца значна пазней за сяўбу збожжавых.
Пад каралеву палёў у раёне сёлета адвялі 6 620 гектараў. Найбольш (1 725 га) – у КСУП «Гервяты». Механізатара гэтай гаспадаркі Юрыя Рэваку прызналі лепшым на сяўбе кукурузы. Да слова, мужчына неаднойчы ўваходзіў у лік лепшых корманарыхтоўшчыкаў раёна.
З прафсаюзнымі лідарамі раёна і гаспадаркі Юрыем Адулам, Марыяй Станкевіч, Марынай Івашкай і Аленай Кандратовіч перадавіка заспелі на сенажаці каля вёскі Тракелі. На новым прэспадборшчыку аграрый закручваў падвяленую траву ў стрэйчплёнку.
– Можна сказаць, што сёння першы дзень сур’ёзна працуем. Крыху, канешне, круцілі траву на пашы, але гэта дробязі, можна не ўлічваць, – гаворыць пераможца прафсаюзнага спаборніцтва. – У нашай гаспадарцы кукурузу сеяў не толькі я – працавала каля 4х агрэгатаў. На сеялцы дакладнага высеву «Кенза3200» у полі 4ты сезон. Неаспрэчны плюс гэтай сельгасмашыны ў тым, што яна кропкава, па адным зярнятку, прыгортвае ў глебу. За дзень адольваў 3035 гектараў, здаралася і 40. Кукурузу сеяў каля 20 дзён.
Віншуючы Юрыя Рэваку з перамогай, Юрый Адула нагадаў умовы прафсаюзнага спаборніцтва. Яны, дарэчы, амаль аднолькавыя, як на сяўбе, так і на корманарыхтоўцы.
Цягам апошніх гадоў лідары вызначаюцца не па канчатковым аб’ёме, а па выкананай за дзень норме.
На сяўбе цукровых буракоў роўных не было Валерыю Сташко з КСУП «Міхалішкі». Перадавіка мы адшукалі на рамонтнамеханічных майстэрнях – пасля масавай сяўбы выдаўся невялікі перапынак, каб «падлячыць» тэхніку. Павіншаваць свайго работніка з перамогай прыехаў і дырэктар прадпрыемства Вадзім Саковіч.
– У «Міхалішках» пад буракі адвялі 250 гектараў. Іх сяўбой займаўся адзін, магчыма, таму і абышоў механізатараў з іншых гаспадарак, – усміхаючыся, сказаў Валерый Сташко. – На трактары МТЗ1221 працую 3ці сезон. Цяпер разабраў яго, каб давесці да толку.
У КСУП быў не адзначыў «Міхалішкі» адзіны, чый прафсаюз. За сейбіт плён адказнасць і аператыўнасць па зборы інфармацыі падчас вясеннепалявых работ спецыяліст па ідэалагічнай рабоце Іна Грахоўская атрымала пуцёўку ў нарачанскі санаторый.
У ТЭМУ
На Астравеччыне пачалася корманарыхтоўка. Па яе выніках таксама будуць адзначаны лепшыя механізатары.