Зялёнае святло для рагуль
СПРАДВЕЧНУЮ ІСЦІНУ, ШТО МАЛАКО Ў КАРОВЫ НА ЯЗЫКУ, НЕЛЬГА АСПРЭЧЫЦЬ. ВЯСНА «ЎКЛЮЧЫЛА» ЗЯЛЁНАЕ СВЯТЛО ДЛЯ РАГУЛЬ: У РАЁНЕ РАСПАЧАЎСЯ ЛЕТНЕ-ПАШАВЫ СЕЗОН УТРЫМАННЯ ЖЫВЁЛЫ. РАСКАЗАЦЬ ПРА ЯГО АСАБЛІВАСЦІ, МАЛОЧНУЮ ВЫТВОРЧАСЦЬ І ЎВОГУЛЕ СТАН РАЁННАЙ ЖЫВЁЛАГАДОЎЛІ КАРЭСПАНДЭНТ ПАПРАСІЎ ПЕРШАГА НАМЕСНІКА НАЧАЛЬНІКА ЎПРАЎЛЕННЯ СЕЛЬСКАЙ ГАСПАДАРКІ І ХАРЧАВАННЯ ВОЛЬГУ УМРЫХІНУ:
– Пашавы сезон – самы спрыяльны час для атрымання так званага вялікага малака. Сакавітая трава, свабоднае перамяшчэнне жывёлы на свежым паветры – усё гэта спрыяе выпраўленню недахопаў зімовага ўтрымання, павелічэнню паказчыкаў вытворчасці, малочнай прадуктыўнасці кароў і зніжэнню іх захворванняў.
Летась жывёлу выгналі на пашу напрыканцы красавіка, сёлета – 15га. Адной з першых дала «зялёны старт» малочнатаварная ферма «Малюта» КСУП «Гервяты», дзе дойны статак складае 170 галоў. І за мінулы месяц валавы надой там склаў 82,1 тоны, што амаль на 15 тон больш папярэдняга.
На 26 мая ў раёне пасвіцца 11 гуртоў – 3 051 галава дойнага статка, у тым ліку кругласутачна – 1 357 кароў. Выгналі на пашу і адзін гурт цялушак (145 галоў). На жаль, для аздараўлення і прафілактыкі захворвання канечнасцей па аб’ектыўных прычынах нельга арганізаваць праменад для сухастойных кароў, якія ўтрымліваюцца на малочнатаварных комплексах.
Адзначу, што ва ўсіх гаспадарках раёна жывёлу пасвяць франтальным метадам, які дазваляе максімальна выкарыстоўваць пашавыя ўгоддзі.
Працяглы час у абласной табліцы па сельгасвытворчасці мы былі на 9й пазіцыі з 17ці. Цяпер упэўнена трымаемся на 6й. За чатыры месяцы ў гаспадарках раёна надаілі амаль 22 тысячы тон малака, што складае 108,8% да ўзроўню 2022га. Ёсць прыбаўка і ў яго рэалізацыі (110%). Сярэдні надой ад каровы з пачатку года дасягнуў 2 175 кілаграмаў, што на 140 кілаграмаў больш, чым летась. За месяц летнепашавага перыяду КСУПЫ і саўгас прыбавілі па валу малака амаль 683 тоны (113% да мінулага года).
Радуе, што амаль усе гаспадаркі, акрамя КСУП «Варняны», нарасцілі пагалоўе: за год раённы статак пабольшаў на 1 461 галаву, у тым ліку на 62 малочныя каровы. Зменшылася невытворчае выбыццё жывёлы, павялічыліся прывагі. Найлепш жывёла прыбывае ў РУП «Астравецкі саўгас «Падольскі», дзе сярэднесутачная прывага за мінулы месяц склала 801 грам (+225 гр).
Такія вынікі сталі магчымымі дзякуючы некалькім фактарам. Папершае, усім гаспадаркам, акрамя КСУП «Міхалішкі», да вясны хапіла ўласных травяністых кармоў. Падругое, КСУПЫ і саўгас сумесна з агранамічнымі службамі з мінулай восені пасеялі свірэпіцу – ролю гэтай культуры ў малочнай вытворчасці напачатку пашавага сезона немагчыма пераацаніць. Патрэцяе, было правільным рашэнне перадаць два варнянскія малочнатаварныя комплексы больш эканамічна паспяховым гаспадаркам. Да таго ж ледзь не штомесяц у раёне праводзіліся семінарывучобы як для спецыялістаў, так і для радавых працаўнікоў.
Развіццё любой галіны, у тым ліку жывёлагадоўлі, немагчыма без укладанняў. Сёлета на кожны комплекс закупілі спецыяльныя размарожвальнікі малака, якія дазваляюць у аптымальна кароткі тэрмін выпаіць малозівам цяля. Набылі 150 індывідуальных дамкоў, пастэрызатары, малочныя таксі. Усе фермы забяспечаны халастрометрамі – прыборамі для праверкі якасці малозіва. Працягваецца аснашчэнне аб’ектаў камерамі відэаназірання.
Усе гэтыя фактары, памножаныя на старанную працу людзей, думаю, дазволяць нам і надалей нарошчваць вытворчасць малака.