Ніхто не забыты

Напярэдадні знакавага для кожнага беларуса свята, 9 Мая, ветэраны Вялікай Айчыннай вайны і яе ахвяры, вязні канцлагераў атрымаюць матэрыяльную дапамогу ад дзяржавы, памер якой у юбілейны год значна павялічаны.

Першай на Астравеччыне матэрыяльную дапамогу ад дзяржавы да Дня Перамогі ўручылі вязню канцэнтрацыйнага лагера Ніне Іларыёнаўне Мілідовіч.

У гасцінны дом гэтай жанчыны і яе мужа завіталі старшыня раённага Савета дэпутатаў Генадзь Бычко, дырэктар Тэрытарыяльнага цэнтра сацыяльнага абслугоўвання насельніцтва Святлана Куцько і загадчык аддзялення сацыяльнай дапамогі на даму гэтай установы Вольга Альфер, начальнік аддзялення паштовай сувязі «Астравец1» Вольга Пярко і актывісты БРСМ з гімназіі №1 г. Астраўца.

– Сёння мы да вас завіталі з добрай місіяй і рады бачыць вас, Ніна Іларыёнаўна, бадзёрай і ў добрым настроі, – сказаў Генадзь Бычко. – Вы нарадзіліся ў Германіі, на чужыне, але ўсё сваё жыццё прысвяцілі школе і дзецям. Для падрастаючага пакалення вы прыклад інтэлігентнасці, працавітасці і жыццялюбства.

Кветкі ад раённай арганізацыі грамадскага аб’яднання «Белая Русь», віншаванні і паветраныя шары ад школьнікаў, пажаданні здароўя і доўгіх гадоў жыцця ад гасцей расчулілі жанчыну.

– Удзячна вам, дзяржаве і Прэзідэнту, што ніколі не забываеце пра дзяцей вайны. Частымі гасцямі ў нашым доме бываюць і школьнікі. Хоць з гадамі здароўе ўжо не тое, але настрой баявы. Хутка ж свята Вялікай Перамогі, а потым і Дзень Незалежнасці! – аптымістычна сказала Ніна Іларыёнаўна.

Матэрыяльную дапамогу да 9 Мая абавязкова ўручаць і астатнім вязням канцлагера, якія пражываюць на Астравеччыне. Автоклуб «Ваколіца» ГУ «Островецкий районный Центр культуры и народного творчества» приглашает жителей Островецкого района посетить программу в рамках общеобластного патриотического марафона военных агитбригад «Дарогамі вызвалення – 80». * расписание выездов может изменяться в связи с погодными условиями

Алена ГАНУЛІЧ, фота аўтара.