ДА ДНЯ РОДНАЙ МОВЫ
Абласная бібліятэка імя У. І. Леніна сумесна з абласной арганізацыяй Таварыства беларускай мовы імя Францішка Скарыны запрашае ўсіх жадаючых на «Свята роднай мовы».
У рамках сустрэчы, прымеркаванай да Міжнароднага дня роднай мовы, пройдзе напісанне дзясятай Агульнанацыянальнай дыктоўкі паводле твору аднаго з пісьменнікаў — Ф. Скарыны, Я. Брыля ці П. Панчанкі.
Як адзначыў старшыня абласной арганізацыі ТБМ Юрый Бабіч, мэта дыктоўкі — не выяўленне ўзроўню пісьменнасці, а абуджэнне цікавасці людзей да роднай беларускай мовы.
Імпрэза пройдзе 22 лютага ў 17.30.
Дарэчы. Інтэрв’ю з нагоды Міжнароднага дня роднай мовы са старшынёй абласной арганізацыі ТБМ Юрыем Бабічам чытайце ў суботнім нумары.