«ЖЫВАЯ КЛАСІКА»
Рэспубліканскі творчы конкурс юных чытальнікаў пад такой назвай аб’яўлены Міністэрствам інфармацыі, Міністэрствам адукацыі Рэспублікі Беларусь, Сталічным тэлебачаннем і Саюзам пісьменнікаў Беларусі.
Ён праводзіцца ад школьнага да рэспубліканскага этапаў сярод навучэнцаў устаноў агульнай сярэдняй адукацыі, дадатковай адукацыі дзяцей і моладзі.
Конкурс праводзіцца ў мэтах павышэння цікавасці дзяцей і падлеткаў да чытання, развіцця і захавання высокіх маральных каштоўнасцяў і ідэалаў беларускага грамадства, выхавання падрастаючага пакалення на лепшых узорах нацыянальнай літаратуры, прыцягнення ўвагі грамадскасці да праблематыкі чытання, пашырэння чытацкага кругагляду, пошуку і падтрымкі таленавітай моладзі.
Дэвіз конкурсу — «Чытаем шмат, чытаем разам, ствараем сябе і краіну!».
Да ўдзелу ў конкурсе запрашаюцца вучні пачатковых класаў, 5-6, 7-8 і 9-10 класаў устаноў агульнай сярэдняй адукацыі і ўстаноў дадатковай адукацыі дзяцей і моладзі. Конкурс праводзіцца ў чатыры этапы: першы этап (з 1 па 31 сакавіка) — ва ўстановах агульнай сярэдняй і дадатковай адукацыі дзяцей і моладзі; другі этап (з 1 па 30 красавіка) — раённы. Пераможцы раённага этапа конкурсу, заняўшыя першыя месцы ў кожнай узроставай групе, прымаюць удзел у абласным этапе конкурсу; трэці этап (з 1 па 31 мая) — абласны — праводзіцца абласнымі ўстановамі дадатковай адукацыі дзяцей і моладзі. Пераможцы трэцяга этапа ў кожнай узроставай групе прымаюць удзел у заключным рэспубліканскім этапе.
Заключны — чацвёрты — этап праводзіцца напярэдадні або ў Дзень беларускага пісьменства ў горадзе-сталіцы свята беларускага пісьменства Полацку. Удзел у заключным рэспубліканскім этапе конкурсу прымаюць пераможцы абласнога (Мінскага гарадскога) этапа конкурсу. Пераможцы рэспубліканскага конкурсу ўзнагароджваюцца пуцёўкай у Нацыянальны дзіцячы адукацыйна-аздараўленчы цэнтр «Зубронак».
У склад журы конкурсу на ўсіх этапах уваходзяць вядомыя дзеячы культуры і мастацтва, настаўнікі, бібліятэкары, пісьменнікі, прадстаўнікі грамадскіх арганізацый і аб’яднанняў.