ЛЕГЕНДА ПАРТЫЗАНСКАГА КРАЮ
З маляўнічым Cуражскім краем назаўжды звязана постаць легендарнага камбрыга М. П. Шмырова. Трагедыя Бацькі Міная стала сімвалам небывалага патрыятызму і чалавечай стойкасці. Пра гэта не даюць забыць спадчыннікам Перамогі не толькі шматлікія хрэстаматыйныя творы беларускіх класікаў, але і самі суражане, якія свята шануюць памяць земляка-героя. І ў гэтым вялікая заслуга мясцовай дзіцячага сада-сярэдняй школы. У маі 2015 года ўстанове прысвоена імя Героя Савецкага Саюза М. П. Шмырова.
е гісторыя пачынаецца з часоў Кацярыны Вялікай, а новая пабудова, разлічаная на 800 вучняў, была ўзведзена ў 1980 годзе. Сёння тут атрымліваюць адукацыю 165 вучняў і 38 — наведваюць дзіцячы сад. Зараз ва ўстанове ідзе капітальны рамонт. Памянялі асвятленне, дзверы, вокны, у хуткім часе плануецца аформіць у сучасным фармаце з мультымедыйным абсталяваннем кабінеты хіміі, фізікі, біялогіі. Паралельна ідзе рэканструкцыя школьнага музея, ля вытокаў стварэння якога стаяла таленавітая настаўніца Галіна Кавальчук. Разам з вучнямі яна сабрала багаты краязнаўчы матэрыял. Для гасцей Суража заўжды наведванне музея, дзе змешчана шмат цікавых звестак пра гераічныя старонкі гісторыі края, у тым ліку і пра дзейнасць знакамітага камбрыга, з'яўляецца маленькім падарожжам у мінулае. Дырэктар школы Алена Пузырэўская ўпэўнена, што цікавасць да персаналіі гераічнага земляка — важная склада- ючая патрыятычнага выхавання моладзі. Тут кожны год святкуюць дзень нараджэння героя, у лютым праводзяць дзень памяці расстраляных дзяцей партызанскага камандзіра.
Суражскія дзеці — актыўныя ўдзельнікі раённых і абласных творчых конкурсаў. Сярод апошніх дасягненняў — прызавое месца дзесяцікласніцы Настассі Тараторкінай у абласным этапе конкурсу юных карэспандэнтаў «Жывы летапіс піянерыі».
Школьнікі актыўна займаюцца не толькі краязнаўчай, але і грамадскай работай: клапоцяцца пра ветэранаў, дапамагаюць Суражскаму лясгасу. Дарэчы, у партызанскім лясным краі сярод выпускнікоў і сёння карыстаецца папулярнасцю прафесія лесаводаў. Тут шмат дынастый, жыццё якіх звязана з гэтай галіной гаспадаркі. Многія пасля атрымання дыпломаў вяртаюцца ў свой край, а значыць, у легендарнага пасёлка ёсць будучыня.