Нашы таленты табе, Радзiма!

У фінале рэспубліканскага фестывалю творчасці прафсаюзных і ведамасных клубных устаноў «Нашы таленты табе, Беларусь!» у рэспубліканскім Палацы культуры прафсаюзаў Віцебшчыну годна прадставіў Дом культуры чыгуначнікаў Оршы культурна-спартыўнага цэнтра Мінскага аддзялення Беларускай чыгункі. П раграма фестывалю была вельмі насычанай: конкурсныя выступленні творчых калектываў, сустрэчы, «круглы стол» з кіраўнікамі клубных устаноў па пытаннях развіцця мастацкай творчасці і арганізацыі вольнага часу ў працоўных калектывах з удзелам старшыні Федэрацыі прафсаюзаў Беларусі Міхаіла Орды, прадстаўнікамі Міністэрства культуры Рэспублікі Беларусь. У Палацы культуры прафсаюзаў адбылося ўрачыстае адкрыццё бронзавай скульптурнай кампазіцыі «Чалавек працы», аўтар якой скульптар лаўрэат Дзяржаўнай прэміі Рэспублікі Беларусь Анатоль Арцімовіч.

Падчас фестывалю кожны кіраўнік клубнай установы — пераможцы абласных этапаў рэспубліканскага конкурсу канцэртных праграм — быў узнагароджаны юбілейным медалём «110 гадоў прафсаюзнаму руху Беларусі», у тым ліку і дырэктар Дома культуры чыгуначнікаў горада Оршы Таццяна Скрага (на здымку).

Фінальнай кропкай фестывалю «Нашы таленты табе, Беларусь!» стаў гала-канцэрт 22 снежня. У гэты дзень фіналісты конкурсу выступілі разам з зоркамі беларускай эстрады.

Па выніках рэспубліканскага конкурсу Дом культуры чыгуначнікаў Оршы адзначаны дыпломам ІІ ступені і сертыфікатам у 2500 рублёў.