Свята пад знакам сяброўства
Самае дзівоснае і таямнічае летняе свята — «Купалле» — зноў запрасіла да сябе гасцей на бераг Дняпра. Аграгарадок Александрыя ў мінулыя выхадныя дні стаў сапраўдным міжнародным культурным цэнтрам
Мерапрыемствы традыцыйна пра ходзілі ля моста, які злучае Магілёў скую і Віцебскую вобласці і два на селеныя пункты Александрыю і Копысь — ма лую радзіму Прэзідэнта Рэспублікі Беларусь Аляксандра Лукашэнкі. Рэспубліканскае свята «Купалле» («Алек сандрыя збірае сяброў») з кожным годам на бірае папулярнасць. Сёлета нават сюрпрызы надвор'я — моцны дождж, які лінуў перад па чаткам тэатралізаванага музычнага прадстаў лення «Малая Радзіма», — ніколькі не сапса валі настрой гасцям. — Менавіта ў гэты дзень мы асабліва адчу ваем сакральную сувязь з роднай зямлёй, прод камі і адзін з адным. Таму так хочацца вырвац ца з гарадскога жыцця і стаць бліжэй да пры роды — яе прыгажосці і жыватворнай сілы. На брацца добрай энергіі сонца, удыхнуць пахучы водар траў і лесу, атрымаць асалоду ад рэк і азёр, — адзначыў падчас выступлення на свя це Аляксандр Лукашэнка. — У гэтым і заключа ецца сэнс перажыўшай многія стагоддзі трады цыі адзначаць Купалле — свята, што нагадвае аб простых чалавечых радасцях, ацаніць якія можна, толькі замарудзіўшы свой звыклы рытм. І як бы ні складваўся наш лёс, куды б ні закінуў, нам жыццёва неабходна вяртацца да вытокаў. Туды, дзе пейзажы ажываюць сюжэтамі з дзя цінства і юнацтва, дзе глыбока пушчаны карані радавога дрэва. Нават у думках, але мы павін ны трымацца за гэты маленькі свет, адкуль па чаўся наш шлях у вялікае жыццё. Гэты свет і ёсць наша Папараць кветка. У ім і знаходзім мы сваю моц, апору і шчасце. Ён наш ахоўнік. Таму з вялікім хваляваннем, пачуццём радасці і гона ру я прыязджаю на сваю малую радзіму. Для мяне гэты край заўсёды будзе асаблівым. Кіраўнік дзяржавы адзначыў, што фестываль праходзіць пад знакам сяброўства народаў, свята, якое аб'ядноўвае суседзяў, а Александ рыя прымае не проста гасцей з блізкіх краін, а родных людзей. Музычна тэатралізаванае прадстаўленне «Малая Радзіма» адкрылі беларуская спявач ка Алёна Ланская і ўдзельніцы конкурсу пры гажосці «Міс Беларусь 2018». А вось народны артыст Украіны Мікалай Гнацюк сваё выступ ленне пачаў са знакамітай песні «Малінавы звон». Яе літаральна з першых акордаў пад хапілі і госці свята. А затым артыст выказаў падзяку мілай, дарагой, роднай Беларусі за магчымасць бачыць сваімі вачыма і разумець, што, «нягледзячы на сусветныя крызісы і сму ты, вось як можна, а галоўнае, як трэба жыць і працаваць на планеце Зямля». Добры настрой гледачам таксама падаравалі Вікторыя Алеш ка, Анатоль Ярмоленка, іншыя папулярныя бе ларускія артысты, а таксама спецыяльныя госці з Украіны і Расіі — гурт «Лісапетний батальйон», Таісія Павалій, Сяргей Трафімаў, гурты «Блес тящие», «Синяя птица». Адметна, што сярод такіх зорак у канцэртнай праграме прыняў удзел і калектыў з Оршы — народны хор ветэ ранаў вайны і працы гарадскога цэнтра куль туры «Перамога». Ён выканаў лірычную кампа зіцыю «Бацькаўшчына». Пасля музычна тэатралізаванага прадстаў лення Александрыя заззяла рознакаляровымі агнямі святочнага феерверку. Майстры і артысты з усіх куткоў Беларусі, а таксама Расіі, Украіны, Латвіі, Літвы, Польшчы і іншых краін свету прадставілі свае экакуль турныя праекты на александрыйскім Купаллі.
Рэспубліканскі фестываль разгарнуўся на вялізнай тэрыторыі. Трапляеш сюды, і цябе адразу падхоплівае хваля свята. З усіх бакоў льецца народная песня, выклікае апетыт пах шашлыкоў, аладак, прысмакаў нацыянальнай кухні, не перастаеш здзіўляцца майстэрству народных умельцаў. І яшчэ паўсюль — вышыванкі, і дзяўчаты ў купальскіх вянках. Колькі іх тут было сплецена, не пералічыць. Свята ў Александрыі славіцца сваёй гасціннасцю. Пачастункаў на любы густ: украінскі боршч, беларускія дранікі і апетытныя літоўскія цэпеліны. А яшчэ духмяны хлеб, булкі і смачны квас з бочак. Каля харчовых палатак выстройваліся чэргі, каб паспрабаваць розныя стравы. На гандлёвых радах харчовыя і прамысловыя прадпрыемствы шырока прадставілі сваю прадукцыю, арганізавалі дэгустацыі, акцыі, розыгрышы прызоў… Сярод іх былі і прадстаўнікі Віцебшчыны, напрыклад, «Віцьба» і іншыя. На працягу двух дзён на ўсіх тэматычных пляцоўках праходзілі канцэртна-забаўляльныя і конкурсныя праграмы, творчыя прэзентацыі, майстар-класы, выставы-кірмашы, выставы-продажы і іншыя мерапрыемствы. Напрыклад, нямала было гасцей ля па- латкі дырэкцыі II Еўрапейскіх гульняў 2019 года, дзе наведвальнікаў чакала забаўляльная спартыўная віктарына. А вось на інтэрактыўнай спартыўнай пляцоўцы аматараў здаровага ладу жыцця таксама чакала шмат чаго цікавага: стральба з лука, біятлон, веласпорт. На маладзёжнай пляцоўцы ўпершыню была арганізавана выстава экатурызму Беларусі «Адпачывайце ў вёсцы», а канцэрты бардаўскай песні гучалі ўсе два фестывальныя дні. Не было адбою ад жадаючых сфатаграфавацца ля экспанатаў выставы Мінскага трактарнага завода, асабліва ля ІТ-трактара «Беларус-4522», прэзентацыя якога адбылася на свяце. У нядзелю адзначалі Дзень Украіны. На вялікім «Сарочынскім кірмашы» майстры дэкаратыўна-прыкладнога мастацтва Чарнігаўскай і Івана-Франкоўскай абласцей здзіўлялі сваімі арыгінальнымі вырабамі. Таксама адбыліся прэзентацыя страў і напояў украінскай кухні, выступленні калектываў народнай творчасці. Ліпеньскі фэст у Александрыі, як заўсёды, падараваў шмат яскравых імгненняў, аб'яднаў людзей з розных краін свету і, безумоўна, даўно стаў брэндавым праектам, які дапамагае захоўваць культурныя традыцыі.
УКультурна-гістарычным комплексе «Залатое кола горада Віцебска «Дзвіна» свята «Задзвінскае Купалле» сабрала не толькi віцябчан, але і гасцей з іншых краін. Для некаторых беларускае свята стала сапраўдным адкрыццём. Распачаўся вечар з тэатральнай пастаноўкі «Неверагоднае Купалле». Каларытныя персанажы расказалі прысутным пра старажытны народны абрад, яго гісторыю і традыцыi. Госці таксама ўдзельнічалі ў конкурсах на лепшы вянок, а тыя, хто не ўмеў плесці, маглі наведаць адпаведны майстар-клас. У двары комплексу працавала выстава-кірмаш народных рамеснікаў, можна было паспрабаваць разнастайныя прысмакі беларускай кухні. — Мы прыехалі на «Славянскі базар у Віцебску», але нашы знаёмыя прапанавалі схадзіць на Купалле. У Расіі таксама праводзяць падобныя абрады, але ваша свята крыху іншае. Тут больш народнай прыдумкі, усё прайшло натуральна, без штучных і неапраўданых «фішак» для турыстаў,— адзначыла жыхарка Санкт-Пецярбурга Ірына Асташкоўская. Члены клубаў гістарычнай рэканструкцыі «Залатога кола горада Віцебска «Дзвіна» паўсталі перад гасцямі ў вобразах жыхароў Сярэднявечнай Еўропы. Жадаючыя маглі сфатаграфавацца з імі і пастраляць з лука. Затым удзельнікі свята прайшліся шэсцем у другую частку культурна-гістарычнага комплексу, дзе эфектным выстралам стралы падпалілі купальскае вогнiшча. Каля яго адразу ж гасцей уцягнулі ў народныя гульні, карагоды, больш адважныя прыгалі праз касцёр. Пасля жадаючыя спусцілі на Заходнюю Дзвіну свае купальскія вянкі, якія паступова зніклі ў цемры.
Жыхары і госці Мазалава, што раскінулася на беразе ракі Лужаснянкі ў Віцебскім раёне, таксама адзначылі свята «Купалле». Галоўная яго дзея разгарнулася на пляцоўцы ля мясцовага Дома культуры. Тут спявалі песні ўдзельніцы народнага жаночага клуба «Залаты ўзрост», адбыліся тэатралізаванае прадстаўленне «Купальскі карагод» і багатая на конкурсы ды забавы гульнёвая праграма. Падчас правядзення апошняй жадаючыя змаглі паспрабаваць здольнасці ў пляценні купальскіх вянкоў, касы са стужак, выкананні прыпевак. Не абышлося і без пошуку чароўнай папараць-кветкі, якую знайшла мясцовая жыхарка Анастасія Бабыдава (атрымала віншаванні і прыз ад арганізатараў свята). Завяршылася мерапрыемства маладзёжнай дыскатэкай.