Родная мова – жыцця аснова!
Мазыршчына - чарговы раз у прымала удзельнiкау Купалаускiх чытанняу
Напярэдадні Міжнароднага дня роднай мовы ўстанова адукацыі «Гімназія імя Я. Купалы» ў трынаццаты раз гасцінна адчыніла дзверы перад удзельнікамі традыцыйнага мерапрыемства «Купалаўскія чытанні». Як адзначаюць арганізатары, сярод якіх галоўная роля належыць кіраўніцву гімназіі, конкурс накіраваны на выхаванне ў маладога пакалення нацыянальнай свядомасці, патрыятызму, далучэнне навучэнцаў да даследчай дзейнасці, павышэнне іх зацікаўленасці да беларускай мовы, культурнай спадчыны свайго народа, гісторыі культуры роднай краіны, развіццё інтэлектуальнай і мастацкай творчасці і, галоўнае, на захаванне роднай мовы. Дзеля гэтага працавалі розныя творчыя секцыі, як створаныя раней, так і новыя.
У гэтым годзе традыцыйнай засталася секцыя «Духоўная спадчына», дзе свае здольнасці паказалі навучэнцы з вучэбна-даследчымі працамі па беларускай літаратуры, краязнаўстве і этнаграфіі. Вялікай папулярнасцю ў навучэнцаў і настаўнікаў працягваюць карыстацца секцыі «Святыня народа» (конкурс чытальнікаў вер
шаў ці празаічных урыўкаў з твораў беларускіх пісьменнікаў-юбіляраў), «Мой творчы радок» (вучнёўскія творы, апавяданні, эсэ, вершы) на тэмы «Якасна працуем – мірна і шчасліва жывём», «Буктрэйлеры». Да секцыі «Творчая майстэрня» таксама была праяўлена вялікая зацікаўленасць: удзельнікі стварылі настольныя гульні па біяграфіі і творчасці Янкі Купалы. На гэты раз у Мазыр было даслана каля 350 малюнкаў на тэму «Праўда вайны і пасляваеннага жыцця ў творчасці Аркадзя Куляшова, Алеся Савіцкага і Васіля Быкава». Тэматыка творчых работ кожны год мяняецца. Дарэчы, сёлета ўпершыню працавала новая секцыя «Песенная спадчына», удзельнікі якой выконвалі песні на словы беларускіх класікаў. Відавочна, што колькасць удзельнікаў чытанняў расце, як і пашыраецца іх геаграфія. Так, у сёлетнім мерапрыемстве на розных этапах прынялі ўдзел 792 удзельнікі з 19 раёнаў Гомельскай вобласці.
У цырымоніі адкрыцця Купалаўскіх чытанняў прынялі ўдзел дырэктар Мазырскага раённага вучэбна-метадычнага цэнтра
Старыкава, член Саюза пісьменнікаў, журналіст газеты «Жыццё Палесся» Наталля Канопліч. Удзельнікам конкурсу былі прадстаўлены пачэсныя госці, якім адводзілася роля журы. У гэтым ліку – дырэктар Мазырскай цэнтральнай раённай бібліятэкі імя А. С. Пушкіна
Наталля Будкоўская, метадыст Мазырскага раённага вучэбна-метадычнага цэнтра Алеся Юдзіна, выкладчык, кандыдат філалагічных навук, дацэнт Мазырскага дзяржаўнага педагагічнага ўніверсітэта
Міхаіл Шаўчэнка, кіраўнік узорнай студыі эстрадных спеваў мазырскага Гарадскога палаца культуры
Святлана Чумакова, а таксама ветэраны педагагічнай працы.
Перад пачаткам творчых і інтэлектуальных спаборніцтваў у розных секцыях дырэктар гімназіі імя Я. Купалы Міхаіл Ранчынскі разам са сваім намеснікам па вучэбна-метадычнай рабоце Таццянай Барысевіч уручылі пераможцам альбо іх прадстаўнікам дыпломы за завочны ўдзел у секцыях малюнкаў «Мой творчы радок», «Творчая майстэрня». Іх атрымалі 235 навучэнцаў.
Пасля напружанай барацьбы ў кожнай з секцый былі вызначаны пераможцы першай, другой і трэцяй ступеняў у девяці намінацыях. Так, дыпламантамі Купалаўскіх чытанняў-2024 стала 329 чалавек, у тым ліку 56 – дыпламантамі першай ступені, 101 – другой і 172 – трэцяй. Яшчэ каля 50 чалавек атрымалі падзякі.
Як было зазначана многімі ўдзельнікамі, кожны з прысутных атрымаў вялікую асалоду ад зносін з аднагодкамі, а таксама ад таго, што амаль усе прысутныя размаўлялі толькі на роднай мове.
Менавіта таму шмат слоў падзякі было адрасавана кіраўніцтву ўстановы, педагагічнаму калектыву за камфортныя ўмовы і добра падрыхтаваныя пляцоўкі для правядзення мерапрыемства ў розных секцыях. Здаецца, што ў Мазыры жыве душа паэта, як і яго творчасць, якую захоўваюць нашчадкі ў вершах, песнях, малюнках, творах, навуковай дзейнасці. Шануйце ж мову сваю, беларусы! Мову Купалы, Коласа, Багдановіча, Быкава, Куляшова, Савіцкага… Наталля КАНОПЛІЧ. Фотаздымак аўтара.