Масленіца ідзе, блін ды масла нясе

Па гарызанталі: 1. Дзень масленічнага тыдня, калі сваякі гасцявалі адзін у другога. Сёлета старажытнае свята Масленіца адзначаецца з 11 па 17 сакавіка. 4. У сакавіку шчупак хвастом … разбівае (прык.). 6. Каму …, а нам сям’я (прык.). 14 сакавіка – Дзень сям’і. 9. … вясны. Назва першага па часе веснавога свята, якое адзначалі ў апошні дзень масленічнага тыдня. 11. Тое, што і цуд. 13. Нашто …, калі ў сям’і лад (прык.). 16. Не пахмурна, а … . 17. «Як … жывыя прыроды, // Зямлю напаўняюць яны». З верша Н. Аксёнчык «Сакавіцкія воды». 18. Падарожны куфэрак. 19. Адно з пяці знешніх пачуццяў. 22. Сэрца весяліцца, і … цвіце (прык.). 26. «Ідзі, … , да крынічкі! Ды забірай рукавічкі!» Словы, з якімі звярталіся да зімы ў час спалення масленічнага пудзіла. 27. Дзень масленічнага тыдня, калі зяці хадзілі да цешчаў на бліны.

29. Добры чалавек (разм.). 30. Вокліч з пераможнай інтанацыяй. 31. «Звініць над Прыпяццю … // Палесся, гімн вясны юначай». З верша Г. Дашкевіч «Музыка».

Па вертыкалі: 1. Бліны і … – сваякі (прык.). 2. Тое, што і вохра. 3. Жаргон.

5. Моцны крык. 6. «Добры смех – гэта сонечны … у доме». У. Тэкерэй. 7. Вязкі асадак на дне вадаёма. 8. Якая …, такое і варэнне (прык.). 10. Блінцы, …, бліны, як калёсы ў вясны (прык.). 12. Згода ў сям’і – … у доме (прык.). 14. Масленіца ідзе, блін ды … нясе (прык.). 15. Пост падняў …, а мне Масленіца (прык.). 20. Група людзей, аб’яднаных для сумеснай дзейнасці. 21. … горы разбівае (прык.). 23. Грак ды … . Птушкі, першыя вестуны вясны.

24. Белы …, ды не сыр, добры зяць, ды не сын (прык.). 25. Тэатральная п’еса жартаўлівага зместу. 26. Тое, што сабрана. 28. Мера зямельнай плошчы.