ᐅᖃᓪᓚᖃᑎᒋᔭᕗᑦ

Inuit Art Quarterly - - PROFILE -

ᕼᐃᑐ ᑳᑉᐳ

ᐅᓇ ᓴᓇᖑᐊᖅᓯᒪᔪᓂᒃ ᐱᓕᕆᔨᐅᔪᑉ ᐃᑲᔪᖅᑎᖓ ᑕᐃᑲᓂ ᓄᓇᖅᑲᖅᑳᖅᓯᒪᔪᑦ ᓴᓇᖕᖑᐊᖅᓯᒪᔭᖏᓐᓂᑦ ᐊᐅᓚᑦᓯᕕᖓᓂ ᑲᓇᑕᐅᑉ ᑕᑯᔭᒐᖃᕐᕕᖓᓂ. ᓯᕗᓂᐊᓂ, ᓴᓇᖑᐊᖅᓯᒪᔪᓄᑦ ᐱᓕᕆᔨᐅᓚᐅᖅᑐᖅ ᐃᓄᐃᑦ ᓴᓇᖕᖑᐊᖅᑐᓕᕆᕕᖓᓂ ᐃᓄᓕᕆᔨᑐᖃᒃᑯᓂ ᑲᓇᑕᒥ ᐊᒻᒪᓗ ᐱᓕᕆᖃᑕᐅᔪᖅ ᓱᓕ ᒫᓐᓇ ᑲᑎᒪᔨᐅᓪᓗᓂ ᐊᔾᔨᒌᓐᖏᑦᑐᓂ ᓴᓇᖕᖑᐊᖅᓯᒪᔪᓕᕆᔪᓂ ᐋᑐᕚ ᐃᓚᖓᓂ. ᐊᒻᒪᓗ ᓴᓇᖕᖑᐊᖅᑕᐅᓯᒪᔪᓂᒃ ᑲᒪᔨᐅᓪᓗᓂ ᐊᒻᒪᓗ ᓴᓇᖕᖑᐊᖅᓯᒪᔪᓄᑦ ᑎᑎᕋᓕᕆᔨᐅᓪᓗᓂ ᓴᓇᖃᑦᑕᖅᓯᒪᔪᖅ, ᑳᒻᐳ ᒫᓐᓇ ᐱᔭᕆᐅᖅᓴᔪᖅ ᓴᓇᖑᐊᕆᐊᖅᓴᓪᓗᓂ.

ᕼᐃᑐ ᐃᒡᓗᓕᐅᖅᑎ,

ᑲᓇᑕᐅᑉ ᓯᕗᓪᓕᖅᐹᖓ ᐃᓄᒃ ᓘᒃᑖᖑᔪᖅ ᓴᓇᖕᖑᐊᖅᓯᒪᔪᓕᕆᓂᕐᒥ, ᐃᓕᓐᓂᐊᕐᕕᒃᔪᐊᖓᓂ ᑳᓐᑯᐊᑦ ᖃᐅᔨᓴᖅᑎᓄᑦ ᐃᒡᓯᕙᐅᑕᐅthe 7.3 size? ᓄᓇᖅᑲᖅᑳ ᖅᓯᒪᔪᑦ ᓴᓇᖑᐊᖅᓯᒪᔪᓕᕆᓂᑐᖃᖏᑦ ᐊᒻᒪᓗ ᓄᓇᓕᖕᓂ ᐱᓕᕆᖃᑎᖃᕐᓂᖅ ᐊᒻᒪᓗ ᐃᒻᒥᒍᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᖃᑦᑕᖅᑐᖅ. ᒫᓐᓇ ᐊᖕᖏᔪᑦ ᐱᓕᕆᐊᕆᔭᖏᑦ ᓴᕿᑕᐅᓂᖓ ᓯᕗᓪᓕᖅᐹᖅ ᑲᓇᑕᒥ ᐳᓚᕋᑎᓪᖢᒍ ᑕᑯᔭᒐᖃᕐᕕᒃ ᓄᓇᑦᓯᐊᕗᑦ ᓴᓇᖕᖑᐊᒐᖏᓐᓂᒃ, ᓴᕿᔮᔪᒃ, ᐊᒻᒪᓗ ᐋᕿᒃᓱᑲᓐᓂᖅᖢᒋᑦ ᓴᕿᑎᓪᓗᒋᑦ ᓄᐊᑕᐅᓯᒪᔪᑐᖃᑦ ᐃᓄᐃᑦ ᓴᓇᖑᐊᖅᓯᒪᔭᖏᑦ ᑕᑯᔭᒐᖃᕐᕕᖓᓂ ᑯᐸᐃᒃ.

ᔮᔅᓚᓐ ᐲᕋᐃᓂᓐ

ᐅᓇ ᐱᕙᓪᓕᐊᓕᓵᖅᑐᖅ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᓪᓗᓂ ᐱᔪᒪᕙᓪᓕᐊᓪᓗᒋᑦ ᓄᓇᖅᑲᖅᑳᖅᓯᒪᔪᑦ ᓴᓇᖕᖑᐊᖅᓯᒪᔭᖏᑦ. ᐲᕋᐃᓂᓐ ᒫᓐᓇ ᐃᓚᐅᓚᐅᖅᑐᖅ 2016 ᐊᓂᓇᑉᑲ ᑕᕐᕆᔭᐅᓯᐊᖏᓐᓂ ᐊᒻᒪᓗ ᑐᓴᐅᑎᓕᕆᔨᑎᒍᑦ ᓴᓇᖕᖑᐊᖅᓯᒪᔪᑦ ᓴᕿᔮᖅᑎᑕᐅᓪᓗᑎᒃ ᓇᑭᑐᐃᓐᓇᖅ ᐊᒻᒪᓗ ᓵ ᑕᑯᔭᒐᖃᕐᕕᖓ ᓄᓇᖅᑲᖅᑳᖅᓯᒪᔪᓄᑦ ᐱᒋᐊᖅᐸᓪᓕᐊᓕᓵᖅᑐᓄᑦ ᓴᓇᖕᖑᐊᖅᓯᒪᔪᓄᑦ ᐱᕈᕐᐸᓪᓕᐊᕕᒃ ᐱᓕᕆᑎᑦᑎᔾᔪᑕᐅᔪᖅ. ᒫᓐᓇ ᓴᕿᔮᖅᑎᖃᑦᑕᖅᑕᖓ ᓃᐋᓐ (2016) ᑕᐃᑲᓂ ᓵ ᑕᑯᔭᒐᖃᕐᕕᖓᓂ ᑲᑎᖓᔪᑦ ᓴᕿᔮᖅᑐᑦ ᓄᓇᖅᑲᖅᑳᖅᓯᒪᔪᑦ ᐃᑕᕐᓂᑕᖁᑎᖏᑦ ᒫᓐᓇ ᓴᕿᔮᖅᑎᑦᑎᔾᔪᑎᖏᑦᑎᒍᑦ ᓴᓇᓯᒪᔪᑦ. ᕼᐃᑐ ᐃᒡᓗᓕᐅᖅᑎ: ᑕᐃᒪ ᕼᐃᑐ, ᐃᖅᑲᓇᐃᔭᕋᕕᑦ ᑲᓇᑕᐅᑉ ᑕᑯᔭᒐᖃᕐᕕᖓᓂ. ᑭᓱᓕᕆᔨᐅᕕᑦ ᑕᐃᑲᓂ? ᕼᐃᑐ ᑳᑉᐳ: ᓴᓇᖕᖑᐊᖅᓯᒪᔪᓄᑦ ᐃᑲᔪᖅᑎᐅᔪᖓ ᓄᓇᖅᑲᖅᑳᖅᓯᒪᔪᑦ ᓴᓇᖕᖑᐊᖅᓯᒪᔭᖏᓐᓂᒃ. ᑳᓐᑐᕌᒃᑕᐅᓯᒪᔪᖓ ᐃᓱᓕᑦᑎᒫᖅᑐᖅ ᖁᓛᓂ ᐊᐃᕆᓕ. ᕼᐃᑐ ᐃᒡᓗᓕᐅᖅᑎ: ᖃᓄᐃᓕᖓᓕᖅᐸ ᑕᒪᓐᓇ? ᕼᐃᑐ ᑳᑉᐳ:— ᐊᒃᓱᐋᓗᒃ ᐱᔭᒃᓴᖃᖅᑐᒍᑦ! ᑕᐃᑲᓃᓚᐅᖅᑐᖓ ᐅᑭᐅᓄᑦ ᑎᓴᒪᓄᑦ ᐱᓕᕆᔭᐅᑎᓪᓗᒍ ᓵᑲᕼᐋᓐ: ᓄᓇᕐᔪᐊᒥᑦ ᓄᓇᖅᑲᖅᑳᖅᓯᒪᔪᑦ ᓴᓇᖕᖑᐊᖅᓯᒪᔭᖏᑦ, ᑭᓯᐊᓂ ᐅᓇ ᐊᔾᔨᒋᓐᖏᑕᖓ ᐃᓕᐅᖃᑦᑎᐊᑲᓐᓂᖅᖢᒋᑦ ᑲᓇᑕᒥᐅᑦ ᐊᒻᒪᓗ ᓄᓇᖅᑲᖅᑳᖅᓯᒪᔪᑦ ᑕᑯᔭᒐᖃᕐᕕᖏᑦ - ᐅᒡᕙᓘᓐᓃᑦ ᑖᑉᓱᑐᓇᖅ ᒍᓕ [ᕼᐃᐅ, ᑲᓇᑕᐅᑉ ᒐᕙᒪᖃᕐᕕᖓᓂ ᐊᐅᑕᐃᓐ ᓴᓇᖕᖑᐊᖅᓯᒪᔪᓂᒃ ᑲᒪᔨ ᓄᓇᖅᑲᖅᑳᖅᓯᒪᔪᑦ ᓴᓇᖕᖑᐊᖅᓯᒪᔭᖏᓐᓂᒃ] ᑕᐃᓲᕆᓪᓗᒋᑦ ᓄᓇᖅᑲᖅᑳᖅᓯᒪᔪᑦ ᐊᒻᒪᓗ ᑲᓇᑕᒥᐅᑦ ᑕᑯᔭᒐᖃᕐᕕᖏᑦ - ᐊᒻᒪᓗ ᐊᒃᓱᐋᓗᒃ ᐱᔭᒃᓴᖃᕐᓇᖅᑐᖅ. ᑭᓯᐊᓂ ᑕᑯᔪᒥᓇᖅᑐᑦ ᖃᓄᖅ ᐃᓚᓕᐅᑎᓯᒪᖕᒪᖔᑕ ᓄᓇᖅᑲᖅᑳᖅᓯᒪᔪᑦ ᓴᓇᓯᒪᔭᖏᓐᓂᒃ ᑖᒃᑯᓄᖓ ᑕᑯᔭᒐᖃᕐᕕᖕᓄᑦ ᐊᒻᒪᓗ ᐅᖃᐅᓯᕆᓪᓗᒋᑦ ᐊᓯᖏᑦ ᓄᐊᑕᐅᓯᒪᔪᑦ ᑲᑎᑕᐅᓯᒪᔪᑦ. ᕼᐃᑐ ᐃᒡᓗᓕᐅᖅᑎ: ᑕᐃᒪᓕ ᑭᓱᑯᑦᑎᖓᓂ ᓴᓇᒐᕕᑦ? ᕼᐃᑐ ᑳᑉᐳ: ᑕᒪᒃᑯᓂᖓ ᐊᑐᖅᑐᐊᖅᑕᐅᓯᒪᔪᓂᒃ, ᐱᔾᔪᑎᒋᓪᓗᒍ ᑕᑯᔭᒐᖃᕐᕖᑦ ᐅᓄᓐᖏᒻᒪᑕ ᐱᑐᖃᐅᓂᖅᓴᓂᒃ ᓴᓇᖕᖑᐊᖅᓯᒪᔪᓂᒃ [ᐃᑕᕐᓂᑕᓂ ᐊᒻᒪᓗ ᑕᒪᒃᑭᖅᓯᒪᔪᓂᒃ], ᑕᐃᒪᓗ ᐊᑐᕋᓱᒡᖢᓂ ᐊᒥᓱᓂᑦ ᐊᓯᖏᓐᓂᑦ ᑕᐃᒪᓐᓇᐃᑦᑐᓕᖕᓂᑦ [ᐊᒻᒪᓗ ᓄᐊᑦᑎᕙᒃᑐᓂᑦ] ᓇᓂᑐᐃᓐᓇᖅ ᑲᓇᑕᒥᑦ, ᐊᒥᐊᓕᒐᓂᑦ ᐊᒻᒪᓗ ᐳᓕᑕᓐ ᐃᒪᐅᑉ ᐊᑭᐊᓂᑦ.

ᕼᐃᑐ ᐃᒡᓗᓕᐅᖅᑎ: ᑕᐃᒪᓕ ᓴᓇᖕᖑᐊᖅᖅᓯᒪᔪᓂᒃ ᑲᒪᔨᐅᓪᓗᓂ ᐃᖅᑲᓇᐃᔮᕆᓪᓗᒍ ᐅᓄᖅᐸᑦ ᑎᑎᕋᓕᕆᔭᕆᐊᖃᖅᑐᑦ ᐱᔭᒃᓴᑎᑦ. ᕼᐃᑐ ᑳᑉᐳ: ᐄ. ᓈᓴᐅᓯᕆᔾᔪᑎᓪᓗ ᖃᕆᓴᐅᔭᒃᑯᑦ - ᖁᕕᐊᒋᔭᖓ [ᐃᒡᓚᖅᖢᓂ] ᕼᐃᑐ ᐃᒡᓗᓕᐅᖅᑎ: ᐊᒻᒪᓗ ᖃᓄᕐᓕ ᐃᒡᕕᑦ, ᔮᔅᓚᓐ, ᑭᓱᓂ ᐱᓕᕆᕕᑦ? ᔮᔅᓚᓐ ᐲᕋᐃᓂᓐ: ᐱᑕᖃᕐᒪᑦ ᒪᕐᕉᖕᓂᒃ ᑐᒃᓯᕋᐅᑎᓂᒃ [ᓯᕗᓂᒃᓴᑦᑎᓂ ᑕᑯᔭᒐᖃᕐᕕᒃᓴᓄᑦ] ᐅᑯᐊᓗ ᐱᔭᕇᑕᐅᓵᖅᑐᑦ ᑭᓯᐊᓂ ᓴᓇᖃᑎᒋᓪᓗᒋᑦ ᒍᐊᐸᓅ ᐋᓐᓂᐊᕕᖓ ᓄᓇᖅᑲᖅᑳᖅᓯᒪᔪᓄᑦ ᐊᒻᒪᓗ ᓴᓇᖃᑎᒋᓇᓱᒡᖢᒋᑦ ᑲᓇᑕᐅᑉ ᑕᕆᔭᐅᓯᐅᖅᑎᖏᑦ, ᐅᕙᓂ ᐋᑐᕚᒥ, ᐊᒻᒪᓗ ᐃᓚᖏᑦ ᒥᑭᓐᓂᖅᓴᐅᔪᑦ ᑕᕐᕆᔭᐅᓯᐅᖅᑎᑦ ᑕᒡᕙᓂ. ᖁᕕᐊᒋᔭᒃᑲ ᑕᕐᕆᔭᐅᓯᕆᓂᖅ ᐊᒻᒪᓗ ᑲᔪᓯᔪᒪᓪᓗᒍᑦᑕᐅᖅ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᓂᕋ, ᑭᓯᐊᓂ ᐊᒃᓱᕈᓗᐊᖅᑕᐃᓕᒪᓪᓗᖓ, ᐊᒻᒪᓗ, ᐃᒡᕕᑦ ᖃᐅᔨᒪᕗᑎᑦ, ᓱᓕ ᐃᓕᑦᑎᕙᓪᓕᐊᒐᒪ ᐊᖕᖏᔪᒥᒃ. ᕼᐃᑐ ᐃᒡᓗᓕᐅᖅᑎ: ᐃᓕᓐᓂᐊᕐᕕᒃᔪᐊᒥ ᐃᓱᓕᑦᑎᓯᒪᕖᑦ ᑕᕆᔭᐅᒥᕆᓂᕐᒥᒃ ᐃᓕᓐᓂᐊᖅᖢᑎᑦ? ᐅᖃᐅᑎᓚᐅᖅᓯᒪᖂᖅᑕᕐᒪ ᐱᓕᕆᔪᒪᓪᓗᑎᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᓗᑎᑦ ᑐᓴᒐᒃᓴᓕᕆᔾᔪᑕᐅᔪᑎᒍᑦ, ᒪᕐᕉᒃ ᐅᑯᐊᒃ ᑲᑎᖓᑎᓐᓇᓱᐊᖅᖢᒋᑦ. ᔮᔅᓚᓐ ᐲᕋᐃᓂᓐ: ᐄ, ᐃᓕᓐᓂᐊᕐᕕᒃᔪᐊᒥᑦ ᐃᓱᓕᑦᑎᓯᒪᔪᖓ ᑕᕐᕆᔭᐅᓯᕆᓂᕐᒥᒃ. ᐊᒻᒪᓗ ᐄ, ᐱᓕᕆᐊᕆᓪᓗᒍ ᓂᐋᓐ [Neon NDN], ᑲᒪᒌᓐᓇᖅᖢᒍ ᐊᒻᒪᓗ ᑕᑯᓐᖃᑦᑕᖅᖢᒋᑦ ᐊᓯᕗᑦ ᓄᓇᖅᑲᖅᑳᖅᓯᒪᔪᑦ ᓴᓇᖕᖑᐊᖅᓯᒪᔭᖏᑦ ᓇᓂᑐᐃᓐᓈᖅ ᐊᒻᒪᓗ ᑕᒪᕐᓂᒃ ᐊᔾᔨᒌᓐᖏᑦᑐᑦ ᓴᓇᖕᐊᖅᑎᕈᖅᐸᓪᓕᐊᔪᑦ ᑭᓱᓂᒃ ᓴᕿᑦᑎᕙᓪᓕᐊᖕᒪᖔᑕ; ᖁᕕᐊᒋᔭᖓ ᐊᒃᓱᐋᓗᒃ. ᐊᒻᒪᓗ ᐊᔾᔨᒋᓐᖏᑕᖏᓐᓂᒃ ᓴᓇᕐᕈᑎᖃᖅᑐᑦ! ᕼᐃᑐ ᐃᒡᓗᓕᐅᖅᑎ: ᖃᓄᖅ ᑕᒪᓐᓇ ᐱᓕᕆᓕᕐᓂᕋᖕᓂ ᓂᐋᓐ? ᔮᔅᓚᓐ ᐲᕋᐃᓂᓐ: ᐅᖃᕈᓐᓇᖅᑐᖓ ᓈᒻᒪᓈᑦᑎᐊᖅᓯᒪᒐᒃᑯ [ᐃᒡᓚᖅᖢᓂ]. ᓴᓇᖃᑎᒋᓪᓗᒋᑦ ᒪᕐᕉᒃ ᐊᖕᖑᑏᒃ ᐅᑯᐊ ᐱᓕᕆᔨᐅᔪᑦ ᐊᓂᓇᑉᑲ ᑕᕐᕆᔭᐅᓯᐅᖅᑎᑦ ᐊᒻᒪᓗ ᑐᓴᒐᒃᓴᓕᕆᔨᑦ ᓴᕿᔮᕐᑎᑦᑎᓂᖅ, ᑯᓕᔅ ᒍᐊᖕ ᐊᒻᒪᓗ ᕼᐅᕗᑦ ᐋᑦᓗ. ᓴᓇᖃᑎᒋᓯᒪᔭᒃᑲ ᐊᕐᕌᓂ ᐅᖓᓪᓕᕐᒥᒃ ᐊᓂᓇᑉᑲ. ᑖᒃᑯᐊ ᑕᒪᐃᓐᓂᒃ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᓂᕐᒧᑦ ᐱᕈᖅᐸᓪᓕᐊᑎᑦᑎᓂᖅ ᐱᓕᕆᑎᑦᑎᔾᔪᑕᐅᔪᖅ, ᐊᒻᒪᓗ ᐊᐱᕆᓚᐅᖅᑐᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᔪᓐᓇᕐᒪᖔᕐᒪ ᐊᕐᕌᒍ — ᕼᐃᑐ ᐃᒡᓗᓕᐅᖅᑎ: ᐱᕈᖅᐸᓪᓕᐊᕋᔮᕐᓂᐊᕋᕖᑦ! ᔮᔅᓚᓐ ᐲᕋᐃᓂᓐ: ᐄ ᑕᐃᒪᓐᓇ! ᕼᐃᑐ ᐃᒡᓗᓕᐅᖅᑎ: ᐃᓯᖅᑎᑕᐅᒐᕕᑦ ᑕᒡᕗᖓ ᐱᕈᕈᑎᒋᓂᐊᖅᑕᕐᓄᑦ ᐊᒻᒪᓗ ᐊᓂᑎᑕᐅᓕᖅᖢᑎᑦ ᐊᓯᐊᒍᑦ ᓴᓇᖕᖑᐊᖅᓯᒪᔪᓄᑦ ᑲᒪᔨᐅᓕᖅᖢᑎᑦ [ᐃᒡᓚᖅᖢᑎᒃ] . ᐅᓇ ᑮᓇᐅᔭᒃᓴᖃᖅᑎᑕᐅᓯᒪᕚ ᐋᓐᑎᐅᕆᐅ ᓴᓇᖕᖑᐊᖅᓯᒪᔪᓄᑦ ᑲᑎᒪᔨᖏᓐᓂᑦ ᐅᒡᕙᓘᓐᓃᑦ ᑲᓇᑕ ᑲᑎᒪᔨᖏᓐᓂᒃ ᓴᓇᓐᖑᐊᖅᓯᒪᔪᓄᑦ? ᔮᔅᓚᓐ ᐲᕋᐃᓂᓐ: ᑕᐃᒃᑯᓇᖓᑦ ᐋᓐᑎᐅᕆᐅ ᓴᓇᖕᖑᐊᖅᑎᖏᓐᓄᑦ ᑲᑎᒪᔨᑦ. ᐊᒻᒪᓗ ᑕᒪᒃᑭᓚᐅᖅᑐᖅ. ᐃᓱᒪᖃᓚᐅᕐᒪᑕ ᐱᓕᕆᔪᒪᓪᓗᑎᒃ ᒫᓐᓇᓕᓴᐅᓕᖅᑐᓂᒃ ᓴᓇᖕᖑᐊᖅᓯᒪᔪᓂᒃ. ᐅᓇ ᐃᓱᒪᒌᓐᓇᖅᑕᖓ ᐃᓱᒪᓕᕈᑎᒋᔭᑎᒃ ᐊᑯᓂ, ᓈᒻᒪᓈᕈᓐᓇᓐᖏᑐᐃᓐᓇᓚᐅᑲᓚᐅᖅᑐᖅ, ᐊᒻᒪᓗ ᓱᓕ ᖃᓄᑭᐊᖅ ᐋᕿᑦᑎᐊᓕᕆᓪᓗᓂ, ᐊᒻᒪᓗ ᖁᕕᐊᓱᒃᑐᖓ ᑕᐃᒪᓐᓇᐅᖕᒪᑦ. ᕼᐃᑐ ᐃᒡᓗᓕᐅᖅᑎ: ᐊᒻᒪᓗ ᖃᓄᐃᓕᖓᓚᐅᖅᐸ ᑕᐃᑲᓂ ᓴᕿᔮᕐᑎᑦᑎᓪᓗᓯ? ᓵ ᑕᑯᔭᒐᖃᕐᕕᖓ ᐅᓇ ᑕᑯᔭᒐᖃᕐᕕᒃᑎᑐᑦ ᐋᕿᒃᓯᒪᓐᖏᑦᑐᖅ, ᐅᑯᐊ ᖃᕆᓴᐅᔭᒃᑯᑦ ᓴᓇᖕᖑᐊᖅᓯᒪᔪᑦ, ᑐᓵᓪᓗᖑ ᐋᕿᑦᑎᐊᖅᓯᒪᔪᐋᓗᒃ?

ᔮᔅᓚᓐ ᐲᕋᐃᓂᓐ: ᐄ. ᐱᓐᓇᕆᔭᕋ ᐃᓂᖓᑦ. ᒥᑭᔫᓪᓗᓂ ᓈᒻᒪᒃᖢᓂ ᐱᔾᔪᑎᒋᔭᑦᑎᓄᑦ, ᐊᒻᒪᓗ ᖁᕕᐊᓇᖅᖢᓂ ᓄᓇᓐᖑᐊᓕᐅᖅᖢᒋᑦ ᐃᓕᔭᕆᐊᓕᑦ. ᐃᓱᒪᔪᖓ ᐃᒻᒪᖄ ᖁᓕᓂᒃ ᐃᓱᒪᓕᖅᓯᒪᔪᖓ ᓇᒧᑦ ᐃᓕᓇᔭᕐᓂᑦᑎᓂᒃ ᓴᓇᓯᒪᔭᕗᑦ. ᑭᓯᐊᓂ ᓈᒻᒪᑦᑎᐊᖅᑐᑦ ᐊᒻᒪᓗ ᐃᓂᑦᑎᐊᕙᐅᔪᑦᑕᐅᖅ. ᕼᐃᑐ ᐃᒡᓗᓕᐅᖅᑎ: ᓇᓗᓇᐃᓚᐅᓐᖏᓚᖅ ᐊᖕᖏᔪᒥᒃ ᐃᑲᔪᖅᑕᐅᓯᒪᒐᑦᓯ, ᐅᒡᕙᓘᓐᓃᑦ ᐃᓕᑦᓯᑐᐊᖅ ᐋᕿᒃᐸᓪᓕᐊᓚᐅᖅᐱᓯᐅᒃ ᐱᓕᕆᕙᓪᓕᐊᓂᑦᓯᒍᑦ? ᔮᔅᓚᓐ ᐲᕋᐃᓂᓐ: ᐃᑲᔪᖅᑕᐅᑦᑎᐊᓚᐅᖅᑐᒍᑦ. ᐃᑲᔪᑦᑎᐊᖏᓐᓇᖃᑦᑕᓚᐅᖅᑐᑦ ᑕᐅᖅ ᓯᕗᓂᐊᓂ, ᐊᒻᒪᓗ ᐃᓂᖃᕐᑎᑦᑎᓪᓗᑎᒃ. ᕼᐃᑐ ᐃᒡᓗᓕᐅᖅᑎ: ᑕᑯᔪᓐᓇᖅᓯᓚᐅᓐᖏᑕᕋ ᐅᐸᒡᓗᒍ, ᑭᓯᐊᓂ ᐅᖃᐅᓯᐅᓯᒪᔪᑦ ᐊᒻᒪᓗ ᐊᔾᔨᖑᐊᖏᑦ ᑕᑯᓪᓗᒋᑦ ᐱᐅᔪᒻᒪᕆᐋᓗᐃᑦ. ᕼᐃᑐ, ᑕᑯᓚᐅᖅᐱᐅᒃ? ᕼᐃᑐ ᑳᑉᐳ: ᐋᒃᑲ, ᐃᓅᓯᖃᓐᖏᓇᒪ ᐃᒡᓗᒪ ᐊᓯᐊᓂ ᑕᐃᒪᓗ ᕿᑐᕐᖓᖃᕋᒪ [ᐃᒡᓚᖅᖢᑎᒃ]. ᓱᓕᕗᖓ, ᑕᐃᑲᓂᓘᓐᓃᑦ ᑕᑯᔭᒐᖃᕐᕕᖕᒥ, ᐃᒡᓯᕚᑐᐃᓐᓇᓲᖑᒐᒪ ᖃᕆᓴᐅᔭᐅᑉ ᓵᖓᓂ. ᑕᑯᑦᑎᐊᓚᐅᖅᓯᒪᓐᖏᑦᑐᖓ ᑕᑯᔭᕋᖃᓪᓚᑖᕆᔭᐅᔪᓂᒃ! ᒪᕐᕈᐃᖅᖢᖓ ᐅᐸᒍᑎᓯᒪᒐᓗᐊᖅᑐᖓ, ᐃᒻᒪᖄ, ᑕᐃᒪᖓᓂᑦ ᔪᓚᐃ. ᕼᐃᑐ ᐃᒡᓗᓕᐅᖅᑎ: ᑭᓱᓂᒃ ᖁᕕᐊᓇᖅᑐᓂᒃ ᐱᓕᕆᓕᖅᐱᑦ ᒫᓐᓇ ᑕᐃᑲᓂ ᑲᓇᑕᐅᑉ ᒐᕙᒪᖃᕐᕕᖓᓂ? ᕼᐃᑐ ᑳᑉᐳ: ᐃᓱᒪᔪᖓ ᐱᐅᕋᖅᖢᓂ ᖁᕕᐊᒋᓂᖅᐹᕆᔭᖓ. ᓂᕆᐅᒃᑐᖓ ᐃᖅᑲᓇᐃᔮᕆᑲᓐᓂᕈᒪᓪᓗᒍ, ᑕᐃᒪᓗ ᐱᓕᕆᖃᑕᐅᓂᐊᕋᒪ ᐅᖃᐅᓯᐅᔪᓂ ᐱᓪᓗᒋᑦ ᑭᓱᑦ ᓄᑖᑦ ᐊᒻᒪᓗ ᐊᒡᒋᖅᑐᑦ ᐊᒻᒪᓗ ᖃᓄᖅ ᐃᓱᒪᒋᔭᖏᑦ ᑕᒡᕗᖓᕈᒪᔭᑎᒃ ᑕᑯᔭᒐᖃᕐᕕᖕᒧᑦ ᒪᓕᑦᑎᐊᕐᓂᐊᕐᒪᑕ ᐋᕿᐅᑎᑦᑎᐊᕐᓗᑎᒃ ᓄᐊᑕᐅᓯᒪᕙᒌᖅᑐᓄᑦ. ᖁᕕᐊᓇᖅᑐᖅ ᑕᑯᓗᒍ ᑭᓱᑦ ᐊᒡᒋᕐᒪᖔᑕ ᖃᖓᑦᑎᐊᑯᓗᒃ ᓯᕗᓂᒃᓴᑦᑎᓂ. ᕼᐃᑐ ᐃᒡᓗᓕᐅᖅᑎ: ᐃᓱᒪᔪᖓ ᓯᕗᓪᓕᖅᐸᐅᒍᕕᑦ ᐃᓄᖕᓂ ᐃᖃᓇᐃᔭᕐᑎᒋᔭᐅᓪᓗᑎᑦ ᑲᓇᑕᐅᑉ ᑕᑯᔭᒐᖃᕐᕕᖓᓂ? ᕼᐃᑐ ᑳᑉᐳ: ᖃᐅᔨᒪᓐᖏᑦᑐᖓ! ᑕᐃᒪᓐᓇ ᐃᓱᒪᓯᒪᖕᒥᔪᖓ. ᕼᐃᑐ ᐃᒡᓗᓕᐅᖅᑎ: ᐄᖑᖂᖅᑐᖅ. ᐃᓱᒪᔪᖓ ᐱᑕᖃᕐᓂᕐᒪᖔᑦ [ᐊᓯᖕᓂᒃ]. ᐃᓄᖕᓂᑦ ᑕᐃᒪᓐᓇᐃᑐᓂᒃ ᐱᓕᕆᔨᑐᐊᖑᓯᒪᖂᖅᑐᑎᑦ, ᐃᒡᕕᑑᖂᖅᑐᖅ. ᕼᐃᑐ ᑳᑉᐳ: ᔪᓛᓂᒨ [ᐃᓅᑎᖅ] ᐱᓕᕆᓚᐅᖅᑐᖅ ᓱᓇᒥᑭᐊᖅ ᐊᕐᕌᓂ; ᑭᓱᓕᕆᓚᐅᕐᒪᑦ?

ᕼᐃᑐ ᐃᒡᓗᓕᐅᖅᑎ: ᐄ, ᐃᖃᐃᕗᖓ! ᔪᓛᓂᒨ ᓇᓗᓇᐃᒃᑯᓯᖅᓱᐃᓚᐅᑐᖅ ᐊᒻᒪᓗ ᐃᑕᕐᓂᑕᓕᕆᓪᓗᓂ ᐃᒡᓗᓕᒃ ᐃᓱᒪ ᑕᕆᔭᐅᓯᐊᕆᓯᒪᔭᖏᓐᓂᒃ ᑖᒃᑯᓂᖓ [ᑕᑯᔭᒐᖃᕐᕕᖕᒥᑦ] ᐱᔭᐅᓯᒪᔪᓂᒃ, ᐊᔾᔨᖏᓐᓂᒃ ᐱᓕᕆᔪᖓ ᐊᑯᓂᐅᑦᑕᕐᓂᖏᑦ ᑎᑎᕋᖅᐸᓪᓕᐊᓗᒋᑦ ᐊᒻᒪᓗ ᐊᓯᖏᑦ. ᐱᖃᕐᒪᑕ ᐊᒥᓱᒻᒪᕆᐋᓗᖕᓂᒃ [ᓄᐊᓯᒪᔭᖏᑦ], ᑖᒃᑯᐊᓗ ᐊᒥᓱᑦ ᑕᕐᕆᔭᐅᑎᑦ VHS ᐃᒻᒪᕐᓂᑕᐃᑦ ᐊᒻᒪᓗ ᓂᐱᓕᐅᖅᓯᒪᔪᑦ. ᐊᖕᖏᔪᒻᒪᕆᐋᓘᓚᐅᖅᑐᖅ ᐱᔭᒃᓴᖅ, ᐊᒻᒪᓗ ᐃᓱᒪᔪᖓ ᑮᓇᐅᔭᒃᓴᖃᕐᑎᑕᐅᓚᐅᖅᓯᒪᖂᖅᑐᖅ ᑖᒃᑯᑎᒍᑦ ᓄᒃᑕᖅᑐᓕᕆᓂᖓᑦ ᐃᓄᐃᑦ ᐱᐅᓯᑐᖃᓕᕆᕕᖓᓂᑦ.1 ᐊᒻᒪᓗ ᐃᓱᒪᔪᖓ, ᔮᔅᓚᓐ, ᐱᖃᑎᒋᔭᐅᖂᕋᕕᑦ ᐃᓄᖕᓂᑦ ᓴᓇᔨᐅᓪᓗᑎᑦ ᓴᓇᖕᖑᐊᖅᓯᒪᔪᓂ ᑲᒪᔨᐅᓪᓗᑎᑦ ᐃᓕᓐᓂᐊᖅᖢᒍ, ᐱᔾᔪᑎᒋᓪᓗᒍ, ᐃᓱᒪᔪᖓ, ᓯᕗᓪᓕᖅᐸᐅᖂᓚᐅᕐᒥᔪᖓ ᖃᓪᓗᓇᐅᔨᖓᔪᓐᓃᖅᑎᓚᐅᖕᖓ ᑕᐃᑲᓂ ᐋᑐᕚ ᓴᓇᓯᒪᔪᓂᒃ ᑕᑯᔭᒐᖃᕐᕕᖓᓂ 2011-ᖑᑎᓪᓗᒍ. ᔮᔅᓚᓐ ᐲᕋᐃᓂᓐ: ᑲᒪᓇᖅᑐᖅ. ᖃᐅᔨᒪᓐᖏᑕᕋ ᖃᓄᐃᒻᒪᑦ ᑕᐃᒪᓐᓇᐅᓕᖓᖕᒪᖔᑦ ᕼᐃᑐ ᐃᒡᓗᓕᐅᖅᑎ: ᐃᓱᒪᔪᖓ ᐊᔾᔨᒌᓐᖏᒻᒪᖔᑕ ᑕᐃᒪᓐᓇᐃᔾᔪᑎᖏᑦ. ᑐᑭᓯᔭᕋ ᕼᐃᑐ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᓯᒪᕗᖅ [ᑖᒃᑯᓇᓂ ᐃᓄᐃᑦ ᓴᓇᖕᖑᐊᖅᓯᒪᔭᖏᓐᓂᒃ ᐱᓕᕆᕕᐅᔪᖅ] ᔪᓚᐃ ᐸᐹᑦᓯ ᓯᕗᓪᓕᖅᐹᖑᖂᖅᖢᓂ, ᐊᒻᒪᓗ ᑭᖑᓂᐊᓂ ᐱᐅᓕ [ᐸᑐ] ᓴᓇᖕᖑᐊᖅᓯᒪᔪᓂᒃ ᑲᒪᔨᐅᓯᒪᓪᓗᓂ ᕿᓚᒥ. ᕼᐃᑐ ᑳᑉᐳ: ᑕᐃᒪᓕ, ᐅᓇ ᓴᓇᖕᖑᐊᖅᓯᒪᔪᓂᒃ ᑲᒪᕕᐅᔪᖅ, ᓴᓇᓯᒪᓂᖓᒍᑐᐊᖅ - ᐊᑕᐅᓯᕐᒥᒃ ᐃᖅᑲᓇᐃᔭᖅᑎᖃᓚᐅᖅᑐᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᓪᓗᓂ ᐊᓪᓚᓄᑦ ᑖᒃᑯᑎᒍᑦ ᐊᓪᓚᐃᑦ ᐊᒻᒪᓗ ᐃᓄᐃᑦ ᓴᓇᖕᖑᐊᖅᓯᒪᔭᖏᓐᓄᑦ ᐃᓂᒋᔭᐅᔪᒥ, ᑭᓯᐊᓂ ᓴᓇᔨᖃᓪᓚᑖᓚᐅᓐᖏᑦᑐᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᒥᒃ ᐃᓄᖕᓄᑦ. ᑕᐃᒪᓗ ᖃᓄᐃᓕᐅᕆᐊᖃᖅᑐᓄᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᓄᑦ ᐃᑲᔪᖅᑎᐅᓪᓗᑎᒃ, ᑕᐃᒪᓐᓇᐅᒐᓗᐊᕐᒪᑦ ᓴᓇᖃᑦᑕᓚᐅᖅᑕᑲ ᓴᓇᖕᖑᐊᖅᓯᒪᔪᓂᒃ ᑲᒪᔨᑦ ᐱᔭᒃᓴᖏᑦ. ᑕᐃᒪᓗ ᑕᒡᕙᖓ ᐱᓕᕆᓕᓚᐅᖅᑐᖓ ᐅᑯᐊ ᓄᓇᖅᑲᖅᑳᖅᓯᒪᔪᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᑦ ᑲᑎᒪᑎᓪᓗᒋᑦ.2 ᕼᐃᑐ ᐃᒡᓗᓕᐅᖅᑎ: ᖃᖓ ᐅᑭᐅᖓᓂ? ᖃᖓ ᑕᐃᑲᖕᓂᓐᓂᕋᕕᑦ? ᕼᐃᑐ ᑳᑉᐳ: ᑕᐃᑲᓃᓚᐅᖅᑐᖓ 1999 ᑎᑭᓪᖢᒍ 2005. ᕼᐃᑐ ᐃᒡᓗᓕᐅᖅᑎ: ᑕᐃᑲᓂᖃᐃ ᑕᖁᔭᕆᐅᓚᐅᖅᓯᒪᔭᒋᑦ, ᕼᐃ? ᐃᓕᓐᓂᐊᖅᖢᖓ ᓱᓕ ᑳᓕᓐᑕᓐ ᐃᓕᓐᓂᐊᕐᕕᒃᔪᐊᖓᓂ ᐊᒻᒪᓗ ᖃᐃᓚᐅᖅᓯᒪᔪᖓ ᖃᐅᔨᓴᕆᐊᖅᖢᖓ, ᐊᒻᒪᓗ ᐃᒡᕕᑦ ᐃᑲᔪᖅᖢᖓ ᓇᓂᓯᔾᔪᑎᓪᓗᖓ ᐃᓚᖏᓐᓂᒃ ᐃᑕᕐᓂᑕᓂᒃ. ᐃᖃᐃᕖᑦ? ᕼᐃᑐ ᑳᑉᐳ: ᐃᒻᒪᖄ! ᐆ, ᐄ [ᐃᒡᓚᖅᖢᑎᒃ]. ᕼᐃᑐ ᐃᒡᓗᓕᐅᖅᑎ: ᖃᓅᓚᐅᖅᐸ, ᓴᓇᖕᖑᐊᖅᓯᒪᔪᓂᒃ ᑲᒪᓪᓗᓂ ᐃᓄᓕᕆᔨᑐᖃᒃᑯᑦ ᑲᓇᑕᒥ? ᕼᐃᑐ ᑳᑉᐳ: ᐃᓱᒪᔪᖓ ᓈᒻᒪᖂᑎᓯᒪᑦᑎᐊᕋᒪ ᑐᓂᓯᓯᒪᖕᒪᑕ ᐅᕙᓐᓄᑦ ᐃᓂᖃᕐᑎᑦᑎᓪᓗᑎᒃ. ᓇᖕᒥᓂᖅ ᐱᓕᕆᔪᒪᔭᓐᓄᑦ ᑕᐃᑉᓱᒪᓂ, ᐊᒻᒪᓗ ᒫᓐᓇ ᓱᓕ, ᐅᓇ ᓴᓇᖕᖑᐊᕐᓂᖅ ᐃᓱᒪᒧᑦ ᓈᒻᒪᒃᓯᓇᖅᑐᖅ. ᖃᖓᓂᑐᖄᓗᒃ ᐱᓕᕆᔪᒪᓯᒪᐃᓐᓇᕋᑉᑯ ᑕᐃᒪᓐᓇ. ᐃᓚᖏᑦ ᓴᓇᖕᖑᐊᖅᑎᑦ ᐅᕙᓐᓄᑦ ᐅᖃᖅᓯᒪᔪᑦ ᑕᕐᓂᕐᒧᒎᖅ ᑎᑭᐅᑎᓯᒪᖂᖅᑐᖅ, ᑕᐃᒪᓗ ᐃᓱᒪᒥᒃ ᐋᕿᒃᓱᐃᔪᓐᓇᖅᑐᖅ ᐃᓄᐃᑦ ᓴᓇᖕᖑᐊᕈᓯᖓᑦ. ᐊᒻᒪᓗ ᑕᒪᓐᓇ ᐅᕙᓐᓄᑦ ᓲᕐᓗ ᑕᐃᒪᓐᓇᐃᑎᑦᑎᔪᖅ, ᑕᑯᓇᓱᒡᖢᒋᑦ ᖃᓄᖅ ᑲᑎᖓᓂᖃᕐᒪᖔᑕ. ᖃᐅᔨᒪᔪᐃᓐᓇᐅᔪᒍᑦ ᐊᒥᓲᖕᒪᑕ ᐱᔾᔪᑕᐅᔪᑦ ᐊᖕᖏᕋᑦᑎᓂ ᐊᒻᒪᓗ ᐅᑭᐅᖅᑕᖅᑐᒥ, ᑭᓯᐊᓂ ᐃᓱᒪᒋᔭᐅᔪᖅ ᑕᒪᓐᓇ ᓴᓇᖕᖑᐊᕐᓂᖅ “ᓴᓇᖕᖑᐊᕐᓂᑐᐃᓐᓇᐅᓐᖏᑦᑐᖅ”, ᐱᒻᒪᕆᐅᓂᖅᓴᐅᔪᖅ ᖃᐅᔨᒪᔭᑦᑎᓐᓂᑦ.

ᕼᐃᑐ ᐃᒡᓗᓕᐅᖅᑎ: ᐊᓂᒍᖅᓯᒪᓕᖅᑐᖅ 12 ᐅᑭᐅᑦ. ᑕᐃᒪᓗ ᒫᓐᓇ ᐱᖓᓲᓕᖅᑐᒍᑦ! ᖃᐅᔨᒪᕕᑦ ᖃᓄᐃᒻᒪᑦ ᐅᓄᓐᖏᒻᒪᖔᑦᑕ, ᑕᑯᓐᓇᕈᕕᑦ ᐊᓂᒍᖅᑐᑦ 20 ᐅᑭᐅᑦ, ᐅᓄᖅᓯᓯᒪᓕᖅᑐᑦ ᐊᓪᓚᐃᑦ ᐊᒻᒪᓗ ᐊᓪᓚᐃᖓᔪᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᓪᓗᑎᒃ ᐊᒻᒪᓗ ᓴᓇᓯᒪᔪᑐᖃᓕᕆᓪᓗᑎᒃ [ᐊᒻᒪᓗ] ᑕᑯᔭᒐᖃᕐᕕᖕᓂ ᐃᖅᑲᓇᐃᔭᕐᑎᑦ, [ᐊᒻᒪᓗ] ᑕᐃᒪᓐᓇᐅᒐᓗᐊᕐᒪᑦ ᐊᒥᓲᓪᓗᑎᒃ, ᐅᓄᕐᓂᖅᓴᐅᕙᓪᓚᐃᔪᑦ, ᓴᓇᖕᖑᐊᖅᑎᑦ. ᕼᐃᑐ ᑳᑉᐳ: ᐃᓗᐊᕆᕕᐅᒃ ᓴᓇᓪᓗᓂ ᐃᓄᒋᐊᒃᑐᓂᑦ ᓄᓇᓕᖕᓂ - ᐃᓕᑦᑕᕆᐊᖃᓚᐅᖅᑕᐃᑦ ᐊᒻᒪᓗ ᓴᓇᕕᒋᓗᒍ ᐊᕙᑖ. ᐅᕙᖓᑦᑕᐅᖅ, ᐃᓱᒪᓚᐅᖅᓯᒪᔪᖓ ᐱᓕᕆᔪᓐᓇᔮᖂᓐᖏᑦᑐᖓ ᐃᓄᒋᐊᒃᑐᓂ. ᑕᐃᑲᓃᑐᐃᓐᓇᓕᓚᐅᖅᓯᒪᔪᖓ ᐊᒻᒪᓗ ᐃᑲᔪᖃᑦᑕᖅᖢᖓ ᑎᑎᖃᓄᑦ ᐊᒻᒪᓗ ᐃᒃᐱᖕᓂᐊᓐᓇᑦᑎᐊᖂᔨᓚᐅᓐᖏᑦᑐᖅ. ᑭᓯᐊᓂ ᐅᕙᓐᓂᒃ ᐃᓱᒪᒋᔪᖓ ᓴᓇᖕᖑᐊᖅᑎᐅᒐᒪ ᐊᒻᒪᓗ ᑭᓱᑐᐃᓐᓇᐃᑦ ᓴᓂᐊᓃᒻᒪᑕ. ᐊᒻᒪᓗ ᑕᐃᒪ ᐊᒃᓱᕈᓐᓇᖅᑑᕙᒃᑐᖅ ᐅᖃᐅᓯᕆᓂᐊᖅᖢᒋᑦ ᐊᓯᕕᑦ ᓴᓇᓯᒪᔭᖏᑦ ᐊᒻᒪᓗ ᖃᐅᔨᒪᓐᖏᑕᒥᒃ ᑕᐃᒪᓐᓇᐃᓕᖓᓇᓱᒋᓐᓈᓇᕐᒪᑦ. ᐃᓛᓐᓂᒃᑯᑦ ᓇᓗᓇᖅᓯᖃᑦᑕᖅᑐ ᐅᖃᐅᓯᕆᔭᕆᐊᒃᓴᖅ ᐊᓯᒥ ᓴᓇᓯᒪᔭᖏᓐᓂᒃ. ᕼᐃᑐ ᐃᒡᓗᓕᐅᖅᑎ: ᐃᓱᒪᔪᖓ. ᐊᑕᐅᓯᖅ ᑐᓗᖅᑕᕈᑎ ᐅᐸᒃᑕᐅᔪᓐᓇᓐᖏᒻᒪᑕ ᐅᐸᒍᓐᓇᖅᑕᕋᓗᐊᑎᑦ ᐊᒻᒪᓗ ᓴᓇᕕᒋᓗᒋᑦ ᐅᒡᕙᓘᓐᓃᑦ ᐱᔭᕆᐅᖅᓴᕕᒋᓗᒋᑦ ᐅᒡᕙᓘᓐᓃᑦ ᐃᓕᓐᓂᐊᕐᕕᒋᓗᒋᑦ. ᔮᔅᓚᓐ ᐲᕋᐃᓂᓐ: ᖃᐅᔨᓕᖅᑐᖓ ᑕᐃᒪ [ᐊᑐᖅᖢᒍ] ᓴᓇᖕᖑᐊᒻᓯᒪᔪᑐᖃᓂᒃ ᖃᓄᐃᓕᖓᓚᐅᖅᓯᒪᓂᕕᓂᑐᖃᖏᓐᓂᒃ ᑕᐃᒪᓐᓇᐅᔾᔪᑕᐅᔪᖅ ᐱᔾᔪᑎᑕᖃᓕᕈᑕᐅᓗᓂ ᒪᒃᑯᒃᑐᓄᑦ ᓴᓇᖕᖑᐊᖅᓯᒪᔪᓂᒃ ᑲᒪᔨᒃᓴᓄᑦ. ᑕᐃᒪᓐᓇᐅᒐᓗᐊᕐᒪᑦ ᓴᓇᖕᖑᐊᖅᓯᒪᔪᑐᖃᓂᒃ ᐃᓕᓐᓂᐊᖅᓯᒪᓂᖃᓗᐊᓐᖏᑦᑐᖓᑦᑕᐅᖅ, ᑭᒥᔪᒥᒃ ᐃᒻᒪᑲᓪᓚᒃ ᖃᓄᐃᓕᖓᓚᐅᖅᓯᒪᔾᔪᓯᖏᓐᓂᒃ ᖃᐅᔨᒪᔾᓗᓂ ᐃᑲᔫᑎᔪᒻᒪᕆᐋᓗᒃ. ᑕᐃᒪᓗ [ᐅᕙᓐᓄᑦᑕᐅᖅ], ᐃᓕᑦᑎᓇᓱᒡᖢᓂ ᑕᒪᒃᑯᓂᖓ ᐊᔾᔨᒌᓐᖏᑦᑐᓂᒃ ᓴᓇᖕᖑᐊᖅᑕᐅᕙᒃᑐᓂᒃ ᐊᒻᒪᓗ ᑭᓇ ᓇᓂᕐᒥᐅᑕᐅᖕᒪᖔᑦ, ᐊᖕᖏᔪᒥᒃ ᐃᑲᔫᑎᔪᑦ. ᕼᐃᑐ ᐃᒡᓗᓕᐅᖅᑎ: ᐃᓚᒋᔭᖓ ᐊᖕᖏᓛᖑᕚ? ᐊᒻᒪᓗ ᓄᓇᖃᕐᒪᑕ ᓇᓂᑐᐃᓐᓇᖅ ᑕᐃᑲᓂᓗ ᓴᓇᖕᖑᐊᖅᓯᒪᔪᓕᕆᓂᕐᒧᑦ ᐃᓕᓐᓂᐊᕐᕕᖃᓐᖏᑦᑐᑦ— ᔮᔅᓚᓐ ᐲᕋᐃᓂᓐ: ᑕᐃᒪᓐᓇᓗ ᐅᖃᓪᓚᐅᖅ ᖃᐅᔨᒪᓐᖏᒃᑯᖕᓂ - ᐅᓇ ᖃᐅᔨᒪᓂᖅ ᐅᖃᐅᓯᕐᒥᒃ ᑎᑎᕋᕐᓂᐊᕐᓗᓂ ᓴᓇᖕᖑᐊᖅᓯᒪᔪᓂᒃ ᑲᒪᔨᐅᑉ ᐅᖃᐅᓯᖏᓐᓂᒃ, ᐱᔭᕐᓂᓐᖏᑦᑐᓐᓇᖅᑐᖅ. ᕼᐃᑐ ᐃᒡᓗᓕᐅᖅᑎ: ᐋᕿᒃᓯᒪᖕᒪᑦ ᑮᓇᐅᔭᒃᓴᖅᑖᕋᓲᑎᑦᑎᑐᑦ ᑎᑎᕋᕈᑎᖓ! ᑮᓇᐅᔭᒃᓴᖅᑖᕋᓲᑎᑦᑎᒍᑦ ᑎᑎᕋᕐᓂᖅ ᓇᖕᒥᓂᖅ ᐋᕿᒃᓯᒪᔾᔪᓯᖃᕐᒥᖕᒪᑦ ᑎᑎᕋᕈᓯᖓᒍᑦ, ᓇᖕᒥᓂᖅ ᐊᔾᔨᐅᓐᖏᑦᑐᒥᒃᑕᐅᖅ ᑎᑎᕋᕆᐅᖅᓴᓂᖅ. ᑎᑎᕋᕈᓐᓇᓐᖏᒃᑯᕕᑦ ᓴᓇᖕᖑᐊᖅᑎᓄᑦ ᐅᒡᕙᓘᓐᓃᑦ ᑎᑎᖃᓕᖅᓱᐃᓂᕐᒥᒃ ᐅᓇ ᐊᖕᖏᓂᖅᐹᖅ ᑐᓗᖅᑕᐅᑎᒋᔭᐅᔪᓐᓇᖅᑐᖅ. ᐃᓱᒪᔪᖓ ᑐᓴᕈᒥᒋᔭᕋ ᑕᑯᓪᓗᒍ ᐃᓄᐃᑦ ᑎᑎᕋᓐᖏᑎᓪᓗᒋᑦ ᓴᓇᖕᖑᐊᖅᓯᒪᔪᓄᑦ ᐃᑦᑕᕐᓂᑕᓕᕆᓂᕐᒧᑦ ᐱᔭᕆᐅᖅᓴᑎᑦᑎᔾᔪᑎᒃᓴᓂᒃ, ᑭᓯᐊᓂ ᑕᒪᓐᓇ ᐱᔭᕐᓂᓐᖏᑑᖕᒪᑦ. ᔮᔅᓚᓐ ᐲᕋᐃᓂᓐ: ᐃᒃᐱᒍᓱᒃᑐᖓ ᑕᐃᒪᓐᓇᐅᓇᓱᒋᓪᓗᒋᑦ ᐊᒥᓱᑦ ᑕᑯᔭᒐᖃᕐᕕᑦ ᐊᒻᒪᓗ ᐃᑲᔪᕐᕕᐅᔪᑦ ᕿᓂᖅᑐᑦ, ᑕᒪᒃᑯᐊ ᖃᓄᐃᓕᖓᓚᐅᕈᓯᐅᔪᓂᒃ. ᕼᐃᑐ ᐃᒡᓗᓕᐅᖅᑎ: ᐄ, ᑕᐃᒪᓐᓇᐅᔪᖅ ᑕᑯᔪᒪᖕᒪᑕ ᑎᑎᖃᓂᒃ ᐊᑎᕐᓂᒡᓗ ᐊᒻᒪᓗ ᑭᓱᓕᕆᔨᐅᓯᒪᓂᕐᓂᒃ. ᐋᕿᒐᒃᓴᐅᓐᖏᑦᑐᖅ ᑕᒪᓐᓇ ᑕᐃᒪᓗ ᐱᑕᖃᕐᑎᓐᓇᒍ ᐅᑭᐅᖅᑕᖅᑐᒥ ᑕᐃᒪᓐᓇᐃᑦᑐᓕᕆᔨᖑᕈᒪᒐᔭᖅᑑᒐᓗᐊᓄᑦ - ᐊᒥᓲᓐᖏᒻᒪᑕ ᓯᓚᑦᑐᖅᓴᕐᕕᑦ ᐅᒡᕙᓘᓐᓃᑦ ᐱᐅᓯᑐᖃᓕᕆᕕᐅᔪᑦ ᑕᐃᑲᓂ ᐃᓄᐃᑦ ᐱᒋᐊᕈᑎᒃᓴᖏᓐᓂᒃ ᐃᖅᑲᓇᐃᔮᕆᓂᐊᖅᑕᒥᖕᓄᑦ ᐃᖅᑲᓇᐃᔮᒃᓴᓄᑦ. ᐃᓱᒪᔪᖓ ᐱᖃᑖᑦᑕᐅᖅ ᒫᐅᓇᖔᖅ ᐅᑯᐊ ᓴᓇᖕᖑᐊᖅᓯᒪᔪᓂᒃ ᑕᑯᔭᒐᖃᕐᕕᑦ/ ᐃᓕᓐᓂᐊᕐᕕᑦ ᑐᑭᓯᐅᒪᓐᖏᑦᑐᑦ ᖃᓄᖅ ᐃᓅᓯᖃᕐᒪᖔᑕ ᐅᑭᐅᖅᑕᖅᑐᒥ, ᐅᒡᕙᓘᓐᓃᑦ ᐃᓅᓯᕆᔭᖏᓐᓂᒃ ᐃᓄᐃᑦ ᖃᓪᓗᓈᑦ ᓄᓇᖓᓂ ᐊᒻᒪᓗ ᖃᓄᖅ ᐃᓄᐃᑦ ᐱᐅᓯᑐᖃᖓ ᐊᔾᔨᒋᔭᐅᓐᖏᓂᖓ, ᖃᓄᖅ ᐃᓄᐃᑦ ᐃᓱᒪᖃᐅᓯᖏᑦ ᐊᔾᔨᒋᓐᖏᑕᖏᑦ ᑖᒃᑯᐊ ᖃᓪᓗᓈᑦ ᓄᓇᖓᓂ ᓄᓇᖃᖅᑐᑦ ᑲᓇᑕᐅᒥᑦ.

Newspapers in English

Newspapers from Canada

© PressReader. All rights reserved.